ରାୟଗଡା: ରାୟଗଡା ରେଲୱେ ଷ୍ଟେସନ ନିକଟରୁ 47 କେଜି ଗଞ୍ଜେଇ ଜବତ। ଅବକାରୀ ମୋବାଇଲ ସ୍କ୍ବାଡର ଚଢାଉ ସମୟରେ ରେଲୱେ ଷ୍ଟେସନ ନିକଟରୁ 2ଜଣ ଯୁବତୀ ଏହା ଚାଲାଣ କରୁଥିଲେ । ଗିରଫ ଯୁବତୀ ମାନେ ହେଲେ କୋରାପୁଟ ଜିଲ୍ଲା ସିମିଲିଗୁଡା ଅଞ୍ଚଳର ।
ଭିଡିଓ ସୌଜନ୍ୟ: ସମ୍ବାଦଦାତା, ରାୟଗଡା
ଖବରମୁତାବକ, ସେମାନେ ଦଲାଲ ଠାରୁ ଗଞ୍ଜେଇ ନେଇ ରାଜ୍ୟ ତଥା ରାଜ୍ୟ ବାହାରେ ଗଞ୍ଜେଇ ପହଞ୍ଚାଇ ମୋଟା ଅଙ୍କର ପାଉଣା ପାଉଥିଲେ । ଆଜି ଏହି ଯୁବତୀମାନେ 2ଟି ସୁଟକେଶରେ ଗଞ୍ଜେଇ ନେଇ ଝାଡଖଣ୍ଡ ରାଞ୍ଚିକୁ ଡେଲିଭରି ଦେବାକୁ ଟ୍ରେନରେ ଯିବା ସମୟରେ ଅବକାରୀ ମୋବାଇଲ ସ୍କ୍ବାଡ ହାତରେ ଧରା ପଡିଥିଲେ । ଏନେଇ ଏକ ମାମଲା ରୁଜୁ କରି ଉଭୟଙ୍କୁ କୋର୍ଟ ଚାଲାଣ କରାଯାଇଛି । ଜାମିନ ନାମଞ୍ଜୁର ହେବାରୁ ମାନ୍ୟବର ଅଦାଲତ ଉଭୟଙ୍କୁ ବିଚାର ବିଭାଗ ହାଜତକୁ ପଠେଇ ଦେଇଛନ୍ତି ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
