ରାୟଗଡା:ଚୋରା ଗଞ୍ଜେଇ ଚାଲାଣ ସମୟରେ ଗୁଡ଼ାରି ପୋଲିସ ଜଣଙ୍କୁ ଗିରଫ କରିଛି । ଏଥିସହ ଗିରଫ ବ୍ୟକ୍ତିଙ୍କୁ କୋର୍ଟ ଚାଲାଣ କରିଛି ପୋଲିସ । ପୋଲିସ ଗିରଫ ବ୍ୟକ୍ତିଙ୍କ ଠାରୁ ବିପୁଳ ପରିମାଣର ଗଞ୍ଜେଇ ଜବତ କରିବା ସହ ନଗଦ 650 ଟଙ୍କା ଜବଦ କରିଛି ।
ବିପୁଳ ପରିମାଣର ଗଞ୍ଜେଇ ଜବତ, ଜଣେ ଗିରଫ
ଆଜି(ଶୁକ୍ରବାର) ଗୁଡାରି ପୋଲିସ ଚଢାଉ କରି ୧୦୬ କେ.ଜି ୫୪୦ ଗ୍ରାମ ଗଞ୍ଜେଇ ଏବଂ ନଗଦ ୬୫୦ ଟଙ୍କା କରିଛି । ମାମଲାରେ ସମ୍ପୃକ୍ତ ଜଣେ ବ୍ୟକ୍ତିଙ୍କୁ ଗିରଫ କରି ପୋଲିସ କୋର୍ଟଚାଲାଣ କରିଛି । ଗିରଫ ବ୍ୟକ୍ତି ରାୟଗଡା ଜିଲ୍ଲା ଗୁଡ଼ାରି ଥାନା ଅନ୍ତର୍ଗତ ଲିଡ଼ିଙ୍ଗପଦର ଗ୍ରାମର ୨୮ ବର୍ଷିୟ ପିତେରୁ କ୍ରେପିଟିକା ବୋଲି ଜଣାପଡିଛି । ସେ କନ୍ଧମାଳ ଜିଲ୍ଲାକୁ ଗଞ୍ଜେଇ ଚାଲାଣ କରୁଥିବା ପ୍ରାଥମିକ ତଦନ୍ତରେ ଜାଣିବାକୁ ପାଇଥିଲା ପୋଲିସ । ପରେ ଚଢାଉ କରି ପୋଲିସ ଗଞ୍ଜେଇ ଜବତ କରିବା ସହ ପିତେରୁଙ୍କୁ ଗିରଫ କରିଛି । ଏନେଇ ଗୁଣପୁର ଏସଡ଼ିପିଓ ରାଜକିଶୋର ଦାସ ସୂଚନା ଦେଇଛନ୍ତି ।
ରାୟଗଡାରୁ ରଞ୍ଜନ କୁମାର ରଥ, ଇଟିଭି ଭାରତ
