ରାୟଗଡା: ଧାନଗଦାରେ ନିଆଁ । ପ୍ରାୟ 8 ଲକ୍ଷ ଟଙ୍କାର ଧାନ ନଷ୍ଟ । ରାୟଗଡାର କଲ୍ୟାଣସିଂହପୁର ବ୍ଲକ୍ ଶିରିପୁର ଗାଁରେ ଧାନ ଗଦାରେ ନିଆଁ ଲାଗିଛି ।
ଧାନ ଗଦାରେ ନିଆଁ, ପ୍ରାୟ 8 ଲକ୍ଷ ଟଙ୍କାର ଧାନ ନଷ୍ଟ
ରବିବାର ସନ୍ଧ୍ୟାରେ ଖଳାରେ ଅମଳ ପାଇଁ ଥିବା ଧାନ ଗଦାରେ ହଠାତ୍ ଧୂଆଁ ବାହାରୁଥିବା ଦେଖି ଅଗ୍ନିଶମ ବାହିନୀକୁ ଫୋନ କରିଥିଲେ ଚାଷୀ । ତେବେ ଦମକଳ ବାହିନୀ ଆସିବା ବେଳକୁ ସବୁ ପୋଡି ପାଉଁଶ ହୋଇଯାଇଥିଲା । ଏହି ନିଆଁରେ 8 ଜଣ ଚାଷୀଙ୍କ 11 ଟି ଧାନଗଦା ପୋଡି ପାଉଁଶ ହୋଇଯାଇଛି ।
ଏହାର ଆନୁମାନିକ ମୂଲ୍ୟ 8 ଲକ୍ଷ ଟଙ୍କା ହେବ ବୋଲି ଆକଳନ କରାଯାଉଛି । ସେପଟେ ଏହି ଚାଷୀମାନେ ଧାନ ଉପରେ ନିର୍ଭର କରି ଚଳୁଥିବାରୁ ବର୍ଷକର ଆୟ ନଷ୍ଟ ହୋଇଥିବା କହି ମୁଣ୍ଡରେ ହାତ ଦେଇଛନ୍ତି । ସରକାରୀ ସାହାର୍ଯ୍ୟ ଯୋଗାଇଦେବାକୁ ସେମାନେ ଅନୁରୋଧ କରିଛନ୍ତି ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
