ରାୟଗଡ଼ା: ଗୁଣୁପୁର ବ୍ଲକ ରୂପାପଦର ନିକଟରେ ହାତୀପୋଲ ଆତଙ୍କ । ଖାଦ୍ୟ ଅନ୍ବେଷଣରେ 5 ଟିକିଆ ହାତୀପଲ ଗାଁ ମୁହାଁ ହେଉଥିବା ଦେଖିବାକୁ ମିଳିଛି। ଫଳରେ ଗାଁ ଲୋକେ ଆତଙ୍କିତ ଅବସ୍ଥାରେ ରହିଛନ୍ତି।
ଗୁଣୁପୁର ଅଞ୍ଚଳରେ 5 ଟିକିଆ ହାତୀପଲ, ଆତଙ୍କିତ ଗ୍ରାମବାସୀ
ରାୟଗଡ଼ା ଜିଲ୍ଲା ଗୁଣୁପୁର ଅଞ୍ଚଳରେ ପୁଣି ହାତୀ ଉପଦ୍ରବ। ରୂପାପଦର ଗ୍ରାମ ନିକଟସ୍ଥ ମହେନ୍ଦ୍ରତନୟା ନଦୀ କୂଳରେ 5 ଟିକିଆ ହାତୀପଲ ଚଳପ୍ରଚଳ କରୁଥିବା ଦେଖିବାକୁ ମିଳିଛି । ଘଟଣାସ୍ଥଳରେ ଗୁଣୁପୁର ବନ ବିଭାଗର କର୍ମଚାରୀ ମାନେ ପହଞ୍ଚି ହାତୀପଲଙ୍କ ଗତିବିଧି ଉପରେ ତୀକ୍ଷ୍ଣ ନଜର ରଖିଥିବା ସୂଚନା ମିଳିଛି । ତେବେ ଖାଦ୍ୟ ଅନ୍ବେଷଣରେ ହାତୀପଲ ଗ୍ରାମ ଓ ସହରାଭିମୁଖୀ ହେଉଥିବା ଜଣାପଡିଛି।
ଗତ 4 ମାସ ଧରି ଏହି ହାତୀପଲ ତରାମାଳ, ଘନାନ୍ତ୍ରୀ ନୂଆଗାଁ, ପ୍ରଧାନୀଗୁଡା, ରୂପାପଦର ପ୍ରଭୃତି ଅଞ୍ଚଳରେ ବୁଲୁଥିବା ଦେଖିବାକୁ ମିଳିଛି । ବନବିଭାଗ ପକ୍ଷରୁ 3 ଟି ଟିମ ଗଠନ କରାଯାଇ ହାତୀପଲ ଉପରେ ନଜର ରଖାଯିବା ସହିତ ବ୍ୟାପକ ସଚେତନତା ସୃଷ୍ଟି କରାଯାଉ ଥିବା ବନ ବିଭାଗ ସୂଚନା ଦେଇଛି ।
ରାୟଗଡ଼ାରୁ ରଞ୍ଜନ କୁମାର ରଥ, ଇଟିଭି ଭାରତ
