ରାୟଗଡା: ବିଷାକ୍ତ ଛତୁ ଖାଇ 8 ଶ୍ରମିକ ଅସୁସ୍ଥ । ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକରେ ଘଟିଛି ଏହି ଅଘଟଣ । ସମସ୍ତ ଗୁରୁତରଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇ ଚିକିତ୍ସା କରାଯାଉଛି ।
ଭିଡିଓ ସୌଜନ୍ୟ: ସମ୍ବାଦଦାତା, ରାୟଗଡା
ରବିବାର ଶିକରପାଇ ନିକଟସ୍ଥ ପୋରିପାଇ ଠାରେ PMGSRY ରାସ୍ତା ନିର୍ମାଣ କାର୍ଯ୍ୟରେ ନିୟୋଜିତ ଥିଲେ ଶ୍ରମିକମାନେ । ରାସ୍ତାକାମ ସାରି ସେମାନେ ମଧ୍ୟାହ୍ନ 1ଟା ସମୟରେ ଖାଇବାକୁ ନିଜ କ୍ୟାମ୍ପକୁ ଆସିଥିଲେ । ସେଠାରେ ଜଣେ ବ୍ୟକ୍ତି ସେମାନଙ୍କୁ ଛତୁ ଦେଇଥିଲା । ସେ ଛତୁ ଖାଇବା ପରେ ସମସ୍ତଙ୍କୁ ଝାଡାବାନ୍ତି ହୋଇଥିଲା । ଖବର ପାଇ ସେମାନଙ୍କୁ କାର୍ଯ୍ୟରେ ନିୟୋଜିତ କରିଥିବା ଠିକାଦାର ଆସି ସମସ୍ତ ଅସୁସ୍ଥଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
