ରାୟଗଡା: 14 ଦଫା ଦାବି ନେଇ ସିପିଆଇ (ଏମଏଲ) ପକ୍ଷରୁ ଗୁଣୁପୁର ଠାରେ ବିକ୍ଷୋଭ ଓ ରାସ୍ତାରୋକ । ଭାଗଚାଷୀଙ୍କୁ ଚାଷୀର ମାନ୍ୟତା ଦେବାକୁ କେନ୍ଦ୍ର ଓ ରାଜ୍ୟ ସରକାରଙ୍କୁ ଦାବି କରିଛନ୍ତି ଆନ୍ଦୋଳନକାରୀ ।
ଏଥିସହ 2020 ବିଦ୍ୟୁତ ବିଲକୁ ମଧ୍ୟ ବିରୋଧ କରିବା ସହ ତୁରନ୍ତ ପ୍ରତ୍ୟାହାର ପାଇଁ ଦାବି କରିଛନ୍ତି । କିଛି ସମୟ ପାଇ ଗୁଣପୁର ରାସ୍ତାରୋକ ମଧ୍ୟ କରିଥିଲେ ବିକ୍ଷୋଭକାରୀ । ତେବେ ସ୍ଥାନୀୟ ପୋଲିସ ପହଞ୍ଚି ବୁଝାସୁଝା କରିବା ପରେ ସ୍ଥିତି ସ୍ବାଭାବିକ ହୋଇଥିଲା ।
14 ଦଫା ଦାବି ନେଇ ସିପିଆଇ ଏମଏଲ ପକ୍ଷରୁ ବିକ୍ଷୋଭ
ଜମି, ଜଳ ଓ ଜଙ୍ଗଲ ଅଧିକାର ପାଇଁ ମଧ୍ୟ ଦାବି କରିଛନ୍ତି ଶ୍ରମିତ ନେତା ତ୍ରିପତି ଗମାଙ୍ଗ । ସରକାର ଦାବି ପୂରଣ ନକଲେ, ଆସନ୍ତା 26 ତାରିଖରେ ଦେଶବ୍ୟାପୀ ଆନ୍ଦୋଳନ ପାଇଁ ଗୁଣୁପୁର ଶାଖା ପକ୍ଷରୁ ଚେତାବନୀ ଦିଆଯାଇଛି ।
ରାୟଗଡାରୁ ରଞ୍ଜନ କୁମାର ରଥ, ଇଟିଭି ଭାରତ
