ରାୟଗଡା: ଦିନକ ପରେ ପ୍ରଥମ ପର୍ଯ୍ୟାୟ ଭୋଟ ଗ୍ରହଣ । ଏପେଟ ମଙ୍ଗଳବାର ସନ୍ଧ୍ୟାରେ ମାଲକାନଗିରି ସୀମାନ୍ତ ଛତିଶଗଡ ଦନ୍ତେୱାଡା ଜିଲ୍ଲାରେ ବିଜେପି ବିଧାୟକ ପ୍ରାର୍ଥୀ ଭୀମା ମାଣ୍ଡବୀଙ୍କୁ ନକ୍ସଲ ହତ୍ୟା କରିବା ସହ 5 ଜଣ ଯବାନ ଶହୀଦ ହୋଇଛନ୍ତି। ଏ ନେଇ ସୁରକ୍ଷା ଦୃଷ୍ଟିରୁ ଅଭିବକ୍ତ କୋରାପୁଟ ଜିଲ୍ଲାରେ ହାଇଆଲର୍ଟ କରିଛି ପୋଲିସ ପ୍ରଶାସକ। ଓଡିଶା-ଆନ୍ଧ୍ର ସୀମାନ୍ତରେ ପୋଲିସ ପକ୍ଷରୁ ବ୍ଲକିଙ୍ଗ କରିବା ସହ ରାୟଗଡା ଜିଲ୍ଲାର ନକ୍ସଲ ଅଧ୍ୟୁଷିତ ଜିଲ୍ଲାରେ କୁମ୍ବିଂ ଅପରେସନ ଜୋରଦାର କରାଯାଇଛି ।
ତେବେ ଜେକେପୁର ଅମଲାପଡା ଛକରେ କିଭଳି ଚାଲିଛି ଯାଞ୍ଚ ପ୍ରକ୍ରିୟା ସେ ନେଇ ଉପସ୍ଥିତ ଏସଏସବିର ୟୁନିଟ ହେଡ୍ ଦିନେଶ କୁମାରଙ୍କ ସହ ଆଲୋଚନା କରିଛନ୍ତି ଆମ ରାୟଗଡା ସମ୍ବାଦଦାତା।
ଜିଲ୍ଲାର ବିଭିନ୍ନ ପ୍ରବେଶ ପଥ ସାଙ୍ଗକୁ ବଡ ବଡ ସହର ଗୁଣୁପୁର, ରାୟଗଡା, ଜେକେପୁର , ଥମଲାଭୟଟ୍ଟା ଆଦି ଅଞ୍ଚଳରେ ସୀମା ସଶସ୍ତ୍ର ବାହିନୀ ଯବାନଙ୍କ ଦ୍ବାରା ବ୍ଲକଏଟେ କରାଯାଇଛି । ଏଠାରେ ଦୁଇ ଚକିଆଠାରୁ ଆରମ୍ଭ କରି ଚାରି ଚକିଆ ଯାନବାହନ ଗୁଡିକୁ ଯାଞ୍ଚ ହେଉଛି । ଏଥିସହ ପ୍ରବେଶ ପଥ ଦେଇ ଯାଉଥିବା ସମସ୍ତ ଗାଡି ଗୁଡିକ ଉପରେ ରଖାଯାଉଛି କଡା ନଜର। ହେଲେ ବିଡମ୍ବନାର ବିଷୟ ଏଠାରେ କେହି ଲୋକାଲ ପୋଲିସ ନଥିବା ଜଣାପଡିଛି ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
