ରାୟଗଡା: ବାଇକ ଓ ବୋଲେରେ ମୁହାଁମୁହିଁ ଧକ୍କା , ଘଟଣା ସ୍ଥଳରେ ବାଇକ ଆରୋହୀଙ୍କ ମୃତ୍ୟୁ । କୋରାପୁଟ ଜିଲ୍ଲାକୁ ସଂଯୋଗ କରୁଥିବା ୩୨୬ ନଂ ଜାତୀୟ ରାଜପଥରେ ସଡକ ଦୁର୍ଘଟଣାରେ ବାଇକ ଆରୋହୀଙ୍କ ମୃତ୍ୟୁ ଘଟିଛି ।
ସୂଚନା ଅନୁଯାୟୀ ମାଲକାନଗିରରୁ ଭୁବନେଶ୍ବର ଅଭିମୁଖେ ଯାଉଥିବା ବୋଲେରୋ (ଓଡି୩୦ ୩୩୩୩)ନମ୍ବର ସହ ରାୟଗଡା ଠାରୁ ଟିକିରି ଯାଉଥିବା (ଓଡି୧୮ଏ ୫୬୫୫) ବାଇକ ଜପାଖାଲ ଗ୍ରାମ ନିକଟରେ ମୁହାଁ ମୁହିଁ ଧକ୍କା ହୋଇଥିଲା । ଘଟଣା ସ୍ଥଳରେ ହିଁ ବାଇକ ଚାଳକ ନବୀନ ବର୍ମା ନାମକ ବ୍ୟକ୍ତିଙ୍କ ମୃତ୍ୟୁ ଘଟିଛି । ରାୟଗଡା ପୋଲିସ ଘଟଣା ସ୍ଥଳରେ ପହଞ୍ଚ ମୃତ ଦେହକୁ ଉଦ୍ଧାର କରିବା ସହ ଅଧିକ ତଦନ୍ତ କରୁଛି । ମାଲକାନଗିରିରୁ ବୋଲେରୋରେ ଜଣେ କୋରୋନା ଆକ୍ରାନ୍ତ ବ୍ୟକ୍ତିଙ୍କୁ ଭୁବନେଶ୍ବର ଅଧିକ ଚିକିତ୍ସା ପାଇଁ ନେଉଥିବା ଜଣାପଡିଛି । ଏହା ପରେ ଏକ ଆମ୍ବୁଲାନ୍ସ ଯୋଗେ କୋରୋନା ଆକ୍ରାନ୍ତ ବ୍ୟକ୍ତିଙ୍କୁ ଭୁବନେଶ୍ବର ପଠାଯାଇଛି ।
ରାୟଗଡାରୁ ରଞ୍ଜନ କୁମାର ରଥ,ଇଟିଭି ଭାରତ
