ରାୟଗଡା: ଆନ୍ଧ୍ରର ଗୁଣ୍ଟୁରୁ ଜିଲ୍ଲା ନିକଟ ଲାଙ୍କାଭାନିଦିବାର ଏକ ଚିଙ୍ଗୁଡି ବନ୍ଧ ଓ ଚିଙ୍ଗୁଡି ପ୍ରକ୍ରିୟାକରଣ ସଂସ୍ଥାରେ ଅଘଟଣା ପରେ ଏବେବି ନିଦ ଭାଙ୍ଗିନି ଶ୍ରମ ବିଭାଗର । ପରିବାରର ଆର୍ଥିକ ପରିସ୍ଥିତି ହେଉ କିମ୍ବା ଅନଲାଇନ ପାଠ ପଢା, ଆବଶ୍ୟକ ମୋବାଇଲଟିଏ ପାଇଁ କାମଧନ୍ଧା ଆଶାରେ ପଡୋଶୀ ଆନ୍ଧ୍ର, ତେଲେଙ୍ଗାନା, ରାୟପୁର, କେରଳ, ତାମିଲନାଡୁ ଓ ସୁରଟ ଅଭିମୁଖେ ଚାଲିଯାଉଛନ୍ତି ଶ୍ରମିକ । ହେଲେ ପ୍ରତି ମାସ ରାୟଗଡା ଜିଲ୍ଲାରୁ କେତେ ଶ୍ରମିକ ବାହାର ରାଜ୍ୟକୁ ଗଲେ ଏବଂ କେତେ ଶ୍ରମିକ ବାହାର ରାଜ୍ୟରୁ ଆମ ଜିଲ୍ଲାକୁ ଆସିଲେ ତାର ତଥ୍ୟ ଶ୍ରମ ବିଭାଗ ପାଖରେ ନାହିଁ ।
ଗତବର୍ଷ ପ୍ରଥମ ପର୍ଯ୍ୟାୟ ଲକଡାଉନ ସମୟରେ ରାଜ୍ୟର ୧୬୦୦ ହଜାର ଦଦାନ ଶ୍ରମିକ ଜିଲ୍ଲାକୁ ଫେରିଥିବା ରେକର୍ଡ କରାଯାଇଥିବା ବେଳେ ପରବର୍ତ୍ତୀ ମୁହୂର୍ତ୍ତରେ ଜିଲ୍ଲାର ଦାଦନ ଶ୍ରମିକଙ୍କ ପରିସଂଖ୍ୟାନ କରିବାକୁ ଭୁଲିଗଲା ଜିଲ୍ଲା ପ୍ରଶାସନ । ଫଳରେ କାମ କରିବାକୁ ଯାଇ ଗତ ଗୁରୁବାର ରାତିରେ ୬ଜଣ ପ୍ରବାସୀ ଓଡିଆ ଶ୍ରମିକଙ୍କ ଜୀବନ ଚାଲିଯାଇଛି । ଏହି ଘଟଣା ପରେ ଜିଲ୍ଲା ପ୍ରଶାସନ ପକ୍ଷରୁ କଡା ଆଭିମୁଖ୍ୟ ଗ୍ରହଣ କରାଯାଇଥିବା କହିଛନ୍ତି ରାୟଗଡା ଜିଲ୍ଲାପାଳ ସରୋଜ କୁମାର ମିଶ୍ର ।
ରାୟଗଡାରୁ ରଞ୍ଜନ କୁମାର ରଥ, ଇଟିଭି ଭାରତ
