ରାୟଗଡା: ୩୨୬ ନମ୍ବର ଜାତୀୟ ରାଜପଥର ଶିରିଗୁଡା ଠାରେ ଆଜି ଅପରାହ୍ନରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ଦୁର୍ଘଟଣାରେ ଜଣଙ୍କ ମୃତ୍ୟୁ ହୋଇଥିବା ବେଳେ ୨ଜଣ ଗୁରୁତର ହୋଇଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ରାୟଗଡା
ମୃତକଙ୍କ ପରିଚୟ ମାନସ ଦାସ ବୋଲି ଜଣାପଡିଛି । ଗୋଟିଏ ପରିବାରର ୬ଜଣ ମିଶି କାର ଯୋଗେ ଦାମନଯୋଡିରୁ ରାୟଗଡା ଅଭିମୁଖେ ଆସୁଥିବା ବେଳେ ଶିରିଗୁଡା ନିକଟରେ ରାସ୍ତା ଉପରେ ଥିବା ଏକ ଟ୍ରକକୁ ପିଟିଦେବାରୁ ଏହି ଦୁର୍ଘଟଣା ଘଟିଛି ।
ଆହତଙ୍କୁ ରାୟଗଡା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିବା ବେଳେ ପରିବାରର ମା ଓ ପୁଅ ଗୁରୁତର ଥିବାରୁ ତାଙ୍କୁ ବିଶାଖାପାଟନା ସ୍ଥାନାନ୍ତର କରାଯାଇଛି ।
ରାୟଗଡାରୁ ରଞ୍ଜନ କୁମାର ରଥ, ଇଟିଭି ଭାରତ
