ରାୟଗଡା: ଗୁଣି ଗାରେଡି ସନ୍ଦେହରେ ଜଣଙ୍କୁ ହତ୍ୟା କରାଯାଇଥିବା ମାମାଲାରେ 6 ଗିରଫ । ରାୟଗଡା ଜିଲ୍ଲା ପଦ୍ମପୁର ପୋଲିସ ପାଜିଲିବନ୍ଧ ଗାଁର 6 ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି । ଗିରଫ ହୋଇଥିବା ଅଭିଯୁକ୍ତ ହେଲେ ପାଜିଲିବନ୍ଧ ଗାଁର ବିଷ୍ଣୁ ଶବର(୨୫), ଈଶ୍ବର ଶବର,(୨୦) ,ଫଳୁଗୁନି ଶବର ,(୪୩), କେଶବ ଶବର(୪୦) ଜଗବନ୍ଧୁ ଶବର(୩୨) ରାଜୁ ଶବର(୨୫) ।
ପଦ୍ମପୁର ଥାନା କେସ୍ ନଂ ୧୯ - ୨୬/୨/୨୧ 147, 148, 450, 294, 302, 201, 120b ସେସ4(a)ରେ ମାମଲା ରୁଜୁ କରିଛି । ହତ୍ୟାକାଣ୍ଡରେ ସମ୍ପୃକ୍ତ ଆହୁରି ଅନେକ ଲୋକଙ୍କ ଅନୁସନ୍ଧାନ ଜାରି ରହିଛି। ହତ୍ୟା, ଯୋଜନା ବଦ୍ଧ ଭାବେ ହତ୍ୟାକାଣ୍ଡ, ପ୍ରମାଣ ନଷ୍ଟ କରିବା ଭଳି ମାମଲା ରହିଥିବା ବିଷମ କଟକ ଏସଡିପିଓ ଆକାଶ ଚନ୍ଦ୍ର ସାହୁ ସୂଚନା ଦେଇଥିଲେ । ଏହି ମାମଲାର ତଦନ୍ତ ପଦ୍ମପୁର ଥାନା ଆଇଆଇସି ସଞ୍ଜୟ କୁମାର ନାୟକ କରୁଛନ୍ତି।
ତେବେ ଏହି ମାମଲାର ତଦନ୍ତ ଚାଲୁ ରହିଥିବା ଓ ଏଥିରେ ସହଯୋଗ କରିଥିବା ଲୋକଙ୍କୁ ମଧ ଖୁବ୍ ଶୀଘ୍ର ଧରାଯିବ ବୋଲି ଥାନା ପକ୍ଷରୁ କୁହାଯାଇଛି । ଗିରଫ ସମସ୍ତ 6 ଜଣ ବାହାରକୁ ଚାଲି ଯିବାକୁ ଉଦ୍ୟମ କରୁଥିବା ସମୟରେ ଗୁଇବନ୍ଧ ନିକଟରୁ ଧାରା ଯାଇଥିବା ପୋଲିସ କହିଛି ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
