ରାୟଗଡ଼ା: ମୁନିଗୁଡା ପୋଲିସକୁ ପୁଣି ଏକ ବଡ ସଫଳତା । 440 କେଜି ଗଞ୍ଜେଇ ସହିତ ଏକ ଟ୍ରକ ଜବତ କରିଛି ପୋଲିସ । ଗତକାଲି(ବୁଧବାର) ଚନ୍ଦ୍ରପୁର ଅଞ୍ଚଳରୁ BR-06GA6144 ନମ୍ବର ଏକ ଟ୍ରକରେ ଗଞ୍ଜେଇ ଲୋଡ ହୋଇ ମୁନିଗୁଡା ଅଭିମୁଖେ ଯାଉଥିବା ଖବର ମିଳିବା ପରେ ତେଲେଙ୍ଗାପଦର ଛକରେ ଜାଲ ଵିଛାଇ ଥିଲା ମିନିଗୁଡା ପୋଲିସ ଟିମ୍ ।
ମୁନିଗୁଡା ପୋଲିସକୁ ବଡ ସଫଳତା, 440 କେଜି ଗଞ୍ଜେଇ ସହ ଟ୍ରକ ଜବତ
ତେବେ ଟ୍ରକଟିକୁ ଅଟକାଇବା ସମୟରେ କୌଶଳ କ୍ରମେ ଚାଳକ ଓ ବେପାରୀ ଟ୍ରକ ଛାଡି ଚମ୍ପଟ ମାରିଥିଲେ । ହେଲେ ଟ୍ରକଟିକୁ ଥାନାକୁ ଆଣି ଖୋଳତାଡ କରିବା ସମୟରେ ସେଥିରୁ 440 କିଲୋ ଗଞ୍ଜେଇ ଜବତ ହୋଇଛି । ମୁନିଗୁଡା ପୁଲିସ ଏନେଇ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିବା ବେଳେ ଫେରାର ଥିବା ଡ୍ରାଇଭର ଏବଂ ଗଞ୍ଜେଇ ବେପାରୀକୁ ଧରିବାପାଇଁ ବିଭିନ୍ନ ସ୍ତାନରେ ଚଢାଉ ଜାରି ରଖିଛି ।
ଡ୍ରାଇଭର କିମ୍ବା ଗଞ୍ଜେଇ ବେପାରୀ ଧରାପଡିଲେ ଟ୍ରକରେ ଥିବା ଗଞ୍ଜେଇ କିଏ କେଉଁଠିକୁ ନେଉଥିଲା ତାହା ଜଣାପଡିବ ବୋଲି ପୋଲିସ କହିଛି।
ରାୟଗଡ଼ାରୁ ରଞ୍ଜନ କୁମାର ରଥ, ଇଟିଭି ଭାରତ
