ରାୟଗଡା: ଜିଲ୍ଲା ରାମନାଗୁଡା ବ୍ଲକ ଆଦର୍ଶ ବିଦ୍ୟାଳୟରୁ ଛାତ୍ରୀମାନେ ଘରକୁ ଫେରିବାବେଳେ ପାରଳା ଗ୍ରାମ ନିକଟରେ ଭାରସାମ୍ୟ ହରାଇ ଏକ ସ୍କୁଲ ଅଟୋ ଓଲଟି ପଡିଥିଲା । ଫଳରେ ଏହି ଅଟୋରେ ଥିବା ୧୫ ଜଣ ଛାତ୍ରଛାତ୍ରୀ ଆହତ ହୋଇଥିଲେ ।
ତେବେ ସେ ସମୟରେ ଜିଲ୍ଲାପରିଷଦ ସଭ୍ୟ ଅଶ୍ବିନୀ ଗମାଙ୍ଗ ଫେରୁଥିବାବେଳେ ନିଜ ବୋଲେରୋ ଗାଡିରେ ରାମନାଗୁଡା ଗୋଷ୍ଠୀସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ଚିକିତ୍ସା ପରେ ଖବର ପାଇ ପରିବାର ଲୋକେ ଆସି ନିଜ ନିଜ ପିଲାମାନଙ୍କୁ ନେଇଯାଇଛନ୍ତି ।
ଏଠାରେ ସୂଚନାଯୋଗ୍ୟ, ଜଣେ ଗୁରତର ଛାତ୍ରୀଙ୍କୁ ରାୟଗଡା ଜିଲ୍ଲା ଚିକିତ୍ସାଳୟରେ ଭର୍ତ୍ତି କରାଯାଇଛି ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ