ପୁରୀ: ସହରରେ ବଢି ଚାଲିଛି ଅପରାଧ । ବିଚ ରାସ୍ତାରେ ମରଣାନ୍ତକ ଆକ୍ରମଣ । ବାସେଳି ସାହି ଥାନା ଷଣ୍ଢ ଜାଗା ଛପନ ଛକ ନିକଟରେ ମଙ୍ଗଳବାର ସକାଳେ ଜଣେ ଯୁବକକୁ ମରଣାନ୍ତଙ୍କ ଆକ୍ରମଣ ହୋଇଛି । ଦୁଇ ଜଣ ଯୁବକ ଖଣ୍ଡାରେ ହାଣି ଫେରାର ହୋଇ ଯାଇଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ
ଗୁରୁତର ଆହତ ରାମଚଣ୍ଡୀ ବସ୍ତିର ଯୁବକ ଅର୍ଜୁନ ନାୟକଙ୍କୁ ପ୍ରଥମେ ପୁରୀ ମେଡ଼ିକାଲ ଓ ପରେ କଟକ ମେଡ଼ିକାଲ କୁ ସ୍ଥାନାନ୍ତର କରାଯାଇଛି । ତେବେ ଆକ୍ରମଣର କାରଣ ସ୍ପଷ୍ଟ ହୋଇ ନ ଥିବା ବେଳେ ପୋଲିସ ଘଟଣାର ତଦନ୍ତ ଆରମ୍ଭ କରିଛି । ଅନ୍ୟପକ୍ଷେ ବିଚ ରାସ୍ତାରେ ସକାଳେ ଜଣେ ଯୁବକକୁ ଖଣ୍ଡାରେ ମରଣାନ୍ତଙ୍କ ଆକ୍ରମଣ ନେଇ ସ୍ଥାନୀୟ ଅଞ୍ଚଳରେ ଭୟର ବାତାବରଣ ଖେଳି ଯାଇଛି।
ଅପରାଧୀମାନେ ଖୁଲମଖୁଲା ଆତଙ୍କ ଖେଳାଉଥିବା ବେଳେ ପୋଲିସ ଅପରାଧିଙ୍କୁ କାବୁ କରିବାରେ ବିଫଳତାକୁ ନେଇ ସ୍ଥାନୀୟ ବାସିନ୍ଦାଙ୍କ ମଧ୍ୟରେ ତୀବ୍ର ଅସନ୍ତୋଷ ସୃଷ୍ଟି ହୋଇଛି।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
