ପୁରୀ: ପୁରୀ ଜିଲ୍ଲାର ନୂତନ ଏସପି ଭାବେ ଉମାଶଙ୍କର ଦାଶ ଦାୟିତ୍ବ ଗ୍ରହଣ କରିଛନ୍ତି । ଶୁକ୍ରବାର ପୂର୍ବାହ୍ନରେ ସେ ପୁରୀର ନୂତନ ଏସପି ଭାବେ ଦାୟିତ୍ବ ଗ୍ରହଣ କରିବା ପରେ ତାଙ୍କର ସ୍ବାଗତ କରାଯାଇଥିଲା । ଉମାଶଙ୍କର ପୂର୍ବରୁ ସୁନ୍ଦରଗଡର ଏସପି ଭାବେ କାର୍ଯ୍ୟରତ ଥିଲେ ।
ତେବେ ଦାୟିତ୍ବ ଗ୍ରହଣ କରିବା ପରେ ପ୍ରଥମେ ଜନସାଧାରଣଙ୍କ ସହଯୋଗ ଲୋଡିଛନ୍ତି । ବିଭିନ୍ନ ଅପରାଧ ଘଟଣାରେ ପୋଲିସକୁ ସୂଚନା ଦେବା ସହ ଆଇନ ଶୃଙ୍ଖଳା ବେଳେ ପୋଲିସକୁ ସହଯୋଗ କରିବା ପାଇଁ ସେ ଜନସାଧାରଣଙ୍କୁ ନିବେଦନ କରିଛନ୍ତି । ଅନ୍ୟପଟେ ଅପରାଧ ଘଟାଉଥିବା ବ୍ୟକ୍ତି ବିଶେଷ ଓ ଅପରାଧୀଙ୍କୁ ଏସପି ସତର୍କ କରାଇ ଦେଇଛନ୍ତି ।
ଆଗକୁ ସାଧାରଣ ନିର୍ବାଚନ ସହିତ ରଥଯାତ୍ରା, ପୁରୀ ସହରରେ ଟ୍ରାଫିକ ବ୍ୟବସ୍ଥା, ପର୍ଯ୍ୟଟକଙ୍କ ସୁରକ୍ଷା, ଶ୍ରୀମନ୍ଦିରରେ ଶୃଙ୍ଖଳା ଆଦି ପ୍ରସଙ୍ଗ ଉପରେ ସ୍ବତନ୍ତ୍ର ନଜର ରଖିବେ ବୋଲି କହିଛନ୍ତି । ଏଥିସହ ଶ୍ରୀମନ୍ଦିର ଉପରେ ଆତଙ୍କବାଦୀଙ୍କ ନଜର ଥିବାରୁ ଏହାର ନିରାପତ୍ତା ପ୍ରମୁଖ ବ୍ୟବସ୍ଥା ରହିବ ବୋଲି କହିଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
