ପୁରୀ: ଚନ୍ଦନପୁର ଥାନା ବୀରଗୋବିନ୍ଦପୁର ସ୍ଥିତ ପେଟ୍ରୋଲ ପମ୍ପ ନିକଟରେ ଦୁର୍ଘଟଣା । ରାସ୍ତା କଡରେ ଠିଆ ହୋଇ ଥିବା ଏକ ଟ୍ରକକୁ ଧକ୍କା ଦେଲା ବାଇକ । ଘଟଣସ୍ଥଳରେ 2 ଜଣଙ୍କର ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ହୋଇଥିବା ସୂଚନା ।
ସୂଚନା ଅନୁସାରେ କୋଣାର୍କ କୋର୍ଟରେ କନେଷ୍ଟବଳ ଭାବରେ କାର୍ଯ୍ୟ କରୁଥିବା ସୁଷମା ମିଶ୍ର ନିଜର କୌଣସି ସମ୍ପର୍କୀୟଙ୍କର ଶେଷକୃତ୍ୟରେ ସାମିଲ ହେବାପାଇଁ ପୁରୀ ଆସିଥିଲେ । ସ୍ବର୍ଗଦ୍ବାରରେ ଅନ୍ତିମ ସଂସ୍କାର ସାରି ଫେରୁଥିବା ବେଳେ ଅପରାହ୍ନରେ ବୀରଗୋବିନ୍ଦପୁର ପେଟ୍ରୋଲ ପମ୍ପ ନିକଟରେ ଏହି ଦୁଃଖଦ ଘଟଣା ଘଟିଛି । ଭାରସାମ୍ୟ ହରାଇ ରାସ୍ତା କଡ଼ରେ ଠିଆ ହୋଇ ଥିବା ଏକ ଟ୍ରକକୁ ସୁଷମା ଆସୁଥିବା ବାଇକଟି ଧକ୍କା ଦେଇଥିଲା । ଏହି ଦୁର୍ଘଟଣାରେ ସୁଷମାଙ୍କ ସମେତ ତାଙ୍କ ସମ୍ପର୍କୀୟ ସୁର୍ଯ୍ୟକାନ୍ତ ସାହୁଙ୍କର ମୃତ୍ୟୁ ହୋଇଛି । ଏଥିରେ ସୁଷମାଙ୍କ ପୁଅ ଚିନ୍ମୟ ମଧ୍ୟ ଗୁରୁତର ଭାବେ ଆହାତ ହୋଇଥିବା ସୂଚନା ମିଳିଛି ।
ଇଟିଭି ଭାରତ, ପୁରୀ
