ପୁରୀ: ଆଗେଇ ଚାଲିଛି ମହାପ୍ରଭୁଙ୍କ ରଥ ନିର୍ମାଣ କାର୍ଯ୍ୟ । ଶ୍ରୀନଅର ସମ୍ମୁଖ ରଥ ଖଳାରେ ଚକର ତୁମ୍ଭ କାମ ଚାଲୁ ରହିଛି । ରବିବାର ରଥର ଅଖ କାର୍ଯ୍ୟ ଆରମ୍ଭ ହୋଇଛି । କରତି ସେବକମାନେ 42ଟି ତୁମ୍ଭ କାଟି ବିଶ୍ବକର୍ମାଙ୍କୁ ଦେଇଛନ୍ତି । ତୁମ୍ଭ ଗୁଡିକରେ ସୂତା ବାଡ଼ିଆ କାର୍ଯ୍ୟ ଚାଲୁ ରହିଛି । 6 ଟି ତୁମ୍ଭର ବିନ୍ଧ କାମ ଶେଷ ହୋଇଛି ।
ଶେଷ ପର୍ଯ୍ୟାୟରେ ତିନି ରଥର ତୁମ୍ଭ ବଳା କାମ
ସେହିପରି ରୂପକାରମାନେ ଗୁଜ ତିଆରିରେ ବ୍ୟସ୍ତ ମଧ୍ୟ ରହିଛନ୍ତି । ରୂପକାର ମାନେ ସେଥିରେ ସିଂହ ବରାଳ ଓ ଗଜ ବରାଳ ମୂର୍ତି ତିଆରି କରୁଛନ୍ତି । ନନ୍ଦିଘୋଷ ରଥର ମୁଖ୍ୟ ବିଶ୍ବକର୍ମା ବିଜୟ ମହାପାତ୍ର, ଦେବ ଦଳନ ରଥର ମୁଖ୍ୟ ବିଶ୍ବକର୍ମା କୃଷ୍ଣ ଚନ୍ଦ୍ର ମହାରଣା ଓ ତାଳଧ୍ବଜ ରଥର ମୁଖ୍ୟ ବିଶ୍ବକର୍ମା ନରସିଂହ ମହାପାତ୍ରଙ୍କ ପ୍ରତକ୍ଷ ତତ୍ବାବଧାନରେ କାର୍ଯ୍ୟ ଆଗେଇ ଚାଲିଛି । ତିନି ରଥର 42 ଚକ ପାଇଁ 42 ତୁମ୍ଭ ବଳା କାମ ଶେଷ ପର୍ଯ୍ୟାୟରେ ପହଞ୍ଚିଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
