ପୁରୀ: ଅଭିଯୁକ୍ତକୁ ଗିରଫ ଦାବିରେ ବିକ୍ଷୋଭ । ପୁରୀ ଗୋପବନ୍ଧୁ ଆୟୁର୍ବେଦ କଲେଜ ଛାତ୍ରଙ୍କ ଉପରେ ଗୁଳିକାଣ୍ଡ ଘଟଣାକୁ ନେଇ ଛାତ୍ରଛାତ୍ରୀଙ୍କ ମଧ୍ୟରେ ତୀବ୍ର ଅସନ୍ତୋଷ ସୃଷ୍ଟି ହୋଇଛି ।
କଲେଜ ଛାତ୍ରଙ୍କୁ ଗୁଳିକାଣ୍ଡ ଘଟଣା, ଅଭିଯୁକ୍ତର ଗିରଫ ଦାବିରେ ବିକ୍ଷୋଭ
ଅଭିଯୁକ୍ତଙ୍କ ଗିରଫ ଦାବିରେ ଗୋପବନ୍ଧୁ ଆୟୁର୍ବେଦ କଲେଜ ଛାତ୍ରଛାତ୍ରୀ ମଙ୍ଗଳବାର ରାତିରେ କଲେଜ ସାମ୍ନା ଭିଆଇପି ରୋଡରେ ବିକ୍ଷୋଭ କରିଛନ୍ତି। ପୋଲିସର ଅପାରଗ ପଣିଆକୁ ତୀବ୍ର ସମାଲୋଚନା କରିଛନ୍ତି । ଏହାସହ ଅଭିଯୁକ୍ତକୁ ତୁରନ୍ତ ଗିରଫ ନକରାଗଲେ ଆନ୍ଦୋଳନକୁ ତୀବ୍ରତର କରାଯିବା ନେଇ ଛାତ୍ରଛାତ୍ରୀ ପୋଲିସକୁ ଚେତାବନୀ ଦେଇଛନ୍ତି ।
ମଙ୍ଗଳବାର ସନ୍ଧ୍ୟାରେ ଗୋପବନ୍ଧୁ ଆୟୁର୍ବେଦ କଲେଜର ଜଣେ ଛାତ୍ର ଜନ୍ମେଜୟ ମନ୍ତ୍ରୀ ଦତ୍ତ ତୋଟା ଅଞ୍ଚଳରେ ନିଜ ରୁମରୁ ବାହାରି ଘରୁ ଯାଉଥିବାବେଳେ ଦୁଇ ଜଣ ଆସି ତାଙ୍କ ମୋବାଇଲ ଛଡାଇବା ସହ ମାଡ଼ ମାରିଥିଲେ। ପରେ ଏକ ରାଉଣ୍ଡ ଫାଙ୍କା ଗୁଳି ଚାଳନା କରି ଫେରାର ହୋଇଯାଇଥିଲେ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
