ପୁରୀ: ରକ୍ତ ସମ୍ପର୍କରେ ରକ୍ତର ଛିଟା । ଜନ୍ମକଲା ମାଆକୁ କଟୁରୀରେ ହାଣିଲା ପୁଅ(son hacks mother to death) । ପୁଅର କଟୁରୀ ଚୋଟରେ ମାଆ ମୃତ । ଆକ୍ରମଣରେ ବାପା, ଭାଇ ଏବଂ ପତ୍ନୀ ମଧ୍ୟ ଗୁରୁତର । ପୁରୀର ପେଣ୍ଠକଟା ମେରାଇନ ଥାନା ଅନ୍ତର୍ଗତ ସୁଭଦ୍ରା ନଗରରେ ଆଜି ଏହି ଜଘନ୍ୟକାଣ୍ଡ ଘଟିଛି । ଅଭିଯୁକ୍ତ ଜଣକ ପୁରା ପରିବାରକୁ ହାଣି ହତ୍ୟା କରିବାକୁ ଚେଷ୍ଟା କରିଛି ।
ମାଆକୁ କଟୁରୀରେ ହାଣି ହତ୍ୟା କଲା ପୁଅ, ବାପା-ଭାଇ-ସ୍ତ୍ରୀ ଗୁରୁତର
ପୁଅର ଆକ୍ରମଣରେ ପ୍ରାଣ ହରାଇଥିବା ମହିଳା ହେଉଛନ୍ତି ବୁନିଲତା ଦିକ୍ଷିତ । ଆକ୍ରମଣରେ ଗୁରୁତର ପରିବାରର ଅନ୍ୟ ତିନି ଜଣଙ୍କୁ ମେଡିକାଲରେ ଭର୍ତ୍ତି କରାଯାଇଛି । ଘଟଣାସ୍ଥଳରେ ପୁରୀର ଅତିରିକ୍ତ ଏସ୍ପି ଓ ଅନ୍ୟାନ୍ୟ ଅଧିକାରୀ ଯାଇ ଘଟଣାର ତଦନ୍ତ ଆରମ୍ଭ କରିଛନ୍ତି । ପାରିବାରିକ କଳହରୁ ଏହି ବର୍ବରକାଣ୍ଡ ଘଟିଥିବା କୁହାଯାଉଛି । ଏହି ଘଟଣା ଏବେ ପୁରୀ ସହରରେ ଚାଞ୍ଚଲ୍ୟ ସୃଷ୍ଟି କରିଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
