ପୁରୀ: ଶ୍ରୀମନ୍ଦିର ପ୍ରଶାସନ ପକ୍ଷରୁ ଶ୍ରୀମନ୍ଦିର ସେବାୟତଙ୍କୁ 10 ହଜାର ଟଙ୍କାର ଆର୍ଥିକ ସହାୟତା ପ୍ରଦାନ କରାଯାଇଛି । ମୋଟ 2463 ସେବାୟତ ପରିବାର 10 ହଜାର ଟଙ୍କା ଲେଖାଏଁ ଆର୍ଥିକ ସହାୟତା ଗ୍ରହଣ କରିଛନ୍ତି । କୋଭିଡ କଟକଣା ଲାଗୁ ପରେ ଶ୍ରୀମନ୍ଦିରରେ ଦର୍ଶନ ବ୍ୟବସ୍ଥା ବନ୍ଦ ରହିଛି । ଏଣୁ ସେବାୟତମାନେ ଆର୍ଥିକ ଦୁଃସ୍ଥିତି ଦେଇ ଗତି କରୁଛନ୍ତି । ଏଣୁ ତାଙ୍କୁ ଆର୍ଥିକ ସହାୟତା ଦିଆଯାଇ ଥିବା ଶ୍ରୀମନ୍ଦିର ନୀତି ପ୍ରଶାସକ କହିଛନ୍ତି ।
ଦର୍ଶନ ବନ୍ଦ ପରେ ସଙ୍କଟରେ ସେବାୟତ ପରିବାର, ମିଳିଲା 10 ହଜାର ଟଙ୍କାର ସହାୟତା
କୋଭିଡର ପ୍ରଥମ ଲହରରେ ମଧ୍ୟ ସେବାୟତ ପରିବାରଙ୍କୁ 4ଟି କିସ୍ତିରେ 5 ହଜାର ଟଙ୍କା ଲେଖାଏଁ ଆର୍ଥିକ ସାହାଯ୍ୟ ଦିଆଯାଇଥିଲା। ତେବେ ଗତ ବର୍ଷର 5 କିସ୍ତି ଓ ଦ୍ବିତୀୟ ଲହରର ପ୍ରଥମ ଆର୍ଥିକ ସହାୟତା କିସ୍ତିକୁ ମିଶାଇ 10 ହଜାର ଟଙ୍କା ସହାୟତା ଦିଆଯାଇଛି । ଏଥି ସହିତ ଗତ ଏପ୍ରିଲ ମାସରୁ ସେବାୟତଙ୍କୁ ଡବଲ ପାଳିଆ ପୁରସ୍କାର ଦିଆଯାଉଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
