ପୁରୀ: କେରଳରେ ଏକ ଗର୍ଭିଣୀ ହାତୀକୁ ବାଣ ଭର୍ତ୍ତି ସପୁରୀ ଖାଇବାକୁ ଦେଇ ହତ୍ୟା କରିବା ଘଟଣା ସାରା ଦେଶବାସୀଙ୍କୁ ସ୍ତବ୍ଧ କରି ଦେଇଛି । ବିଭିନ୍ନ ମହଲରେ ଏଭଳି ଜଘନ୍ୟ କାଣ୍ଡ ନିନ୍ଦା କରାଯିବା ସହ ଏଥିରେ ସମ୍ପୃକ୍ତ ବ୍ୟକ୍ତି ବିରୋଧରେ କଠୋରରୁ କଠୋରତମ କାର୍ଯ୍ୟନୁଷ୍ଠାନ ନେବାକୁ ଦାବି ଜୋର ଧରିଛି । ଏହି ଘଟଣାକୁ ବାଲୁକା ଶିଳ୍ପୀ ସୁଦର୍ଶନ ନିଜ ବାଲୁକାକଳା ମାଧ୍ୟମରେ କଠୋର ନିନ୍ଦା କରିଛନ୍ତି ।
ମଣିଷ ନିଜର ମାନବିକତା ହରାଇବା ଅତ୍ୟନ୍ତ ଦୁଃଖଦାୟକ ବୋଲି ସେ ବାର୍ତ୍ତା ଦେଇଛନ୍ତି ତାଙ୍କ ବାଲୁକାକଳାରେ । ପୁରୀ ବେଳାଭୂମିରେ ଏନେଇ ଏକ ସେ ବାଲୁକାକଳା କରିଛନ୍ତି । ଯେଉଁ ଥିରେକି ଏକ ହାତୀ ପେଟରେ ଛୋଟ ଛୁଆ ହାତୀ ରହିଥିବା ବାଲୁକାକଳାରେ ଦର୍ଶାଇଛନ୍ତି । ତେବେ ହାତୀ ଭଳି ଏକ ନୀରିହ ଯିବକୁ ଯେଭଳି ହତ୍ୟା କରଯାଇଛି ତାକୁ ସେ ନିନ୍ଦା କରିଛନ୍ତି । ସମଗ୍ର ମାନବ ସମାଜ ଏହି ଘଟଣାକୁ ନିନ୍ଦା କରିବା ସହ ସଚେତନ ହୋଇ ନିରୀହ ଯିବଙ୍କ ସୁରକ୍ଷା ପାଇଁ ଆଗେଇ ଆସିବାକୁ ସେ ଆହ୍ବାନ ଦେଇଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
