ପୁରୀ: ଦୁଷ୍କର୍ମକାରୀକୁ ଜୋତାମାଳ ପିନ୍ଧାଇଲେ ଗାଁ ଲୋକ । ମହିଳାଙ୍କୁ ଦୁଷ୍କର୍ମ ଉଦ୍ୟମ କରି ଗାଁ ଲୋକଙ୍କ କବଜାରେ ଦୁର୍ବୃତ୍ତ । ଦୁର୍ଷ୍କମକାରୀକୁ କାବୁ କରି ନିସ୍ତୁକ ମାଡ ମାରିବା ସହିତ ଜୋତାମାଳ ପକାଇ ଗାଁ ବୁଲାଇଲେ ଗ୍ରାମବାସୀ । ଯାହାର ଭିଡିଓ ଭାଇରାଲ ହୋଇଛି । ଏପରି ଘଟଣା ଘଟିଛି ପୁରୀ ଜିଲ୍ଲା କାକଟପୁର ଥାନା ଅନ୍ତର୍ଗତ ନରେନ୍ଦ୍ର ପୁର ଗ୍ରାମରେ ।
ସୂଚନାଅନୁସାରେ, ସୋମବାର ବିଳମ୍ବିତ ରାତିରେ ନରେନ୍ଦ୍ର ପୁର ଗାଁର ପ୍ରଶାନ୍ତ ନାଥ ଜଣେ ମହିଳାଙ୍କ ଘରେ ପଶି ତାଙ୍କୁ ଦୁର୍ଷ୍କମ କରିବାକୁ ଉଦ୍ୟମ କରିଥିଲା । ମହିଳା ଜଣଙ୍କ ଚିତ୍କାର ଶୁଣି ଘଟଣାସ୍ଥଳରେ ଗାଁ ଲୋକ ଏକଜୁଟ ହୋଇଥିଲେ । ଦୁର୍ଷ୍କମକାରୀ ଖସି ପଳାଇବାକୁ ଉଦ୍ୟମ କରୁଥିବା ବେଳେ ତାକୁ କାବୁ କରିନେଇଥିଲେ ଗ୍ରାମବାସୀ ।
ପରେ ଗ୍ରାମବାସୀ ବ୍ୟକ୍ତି ଜଣଙ୍କର ଗୋଡ଼ ହାତ ବାନ୍ଧି ବେକରେ ଜୋତାମାଳ ପକାଇ ଏକ ଖୁଣ୍ଟିରେ ବାନ୍ଧି ରଖିଥିଲେ। ଏନେଇ ଥାନାରେ ଅଭିଯୋଗ ପରେ ପୋଲିସ ତଦନ୍ତ ଆରମ୍ଭ କରିଛି । ପୂର୍ବରୁ ଅଭିଯୁକ୍ତ ପ୍ରଶାନ୍ତ ନାଥ ଅନେକ ଥର ଏହି ଭଳି ଦୁଷ୍କର୍ମ ଉଦ୍ୟମ କରିଥିବା ନେଇ ଥାନାରେ ଅନେକ ମାମଲା ହୋଇଛି। ବାରମ୍ବାର ସେ ଗ୍ରାମର ମହିଳା , ଝିଅ ବୋହୁଙ୍କୁ ଖରାପ ବ୍ୟବହାର କରୁଥିବା ଅଭିଯୋଗ ହୋଇଛି । ଅଭିଯୁକ୍ତ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ କାକଟପୁର ଥାନାରେ ଏତଲା ଦାୟର ହୋଇଛି ।
ପୁରୀରୁ ଶକ୍ତି ପ୍ରସାଦ ମିଶ୍ର,ଇଟିଭି ଭାରତ
