ପୁରୀ: ଶ୍ରୀକ୍ଷେତ୍ରର ଉଚ୍ଛେଦ ପ୍ରକ୍ରିୟାକୁ ଅନୁଧ୍ୟାନ କରିଛନ୍ତି ଆମିକସ କ୍ୟୁରି ରଣଜିତ କୁମାର । ଶ୍ରୀମନ୍ଦିର ସୁରକ୍ଷା ଓ ବିଶ୍ବ ଐତିହନଗରୀ ନେଇ ରାଜ୍ୟ ସରକାର କିଭଳି ଉଛେଦ ଅଭିଯାନ କରୁଛନ୍ତି ଓ ଏହାଦ୍ବାରା ଲୋକେ କେତେ ପ୍ରଭାବିତ ହେଉଛନ୍ତି ସେ ନେଇ କରିଛନ୍ତି ସମୀକ୍ଷା ।
ଏହି ଉଚ୍ଛେଦ ପ୍ରକ୍ରିୟାକୁ ନେଇ ଅସନ୍ତୁଷ୍ଟ ଥିବା ବିଭିନ୍ନ ସଂଘଠନର କର୍ମକର୍ତ୍ତା ଆମିକସ କ୍ୟୁରିଙ୍କୁ ଭେଟିଛନ୍ତି । ମୁଖ୍ୟତଃ ଉଚ୍ଛେଦ ପୂର୍ବରୁ ଉପଯୁକ୍ତ ଥଇଥାନ ନେଇ ଦାବି ପତ୍ର ଜଣାଇଛନ୍ତି । ପୁରୀର ବିକାଶ କାର୍ଯ୍ୟକୁ ବିଭିନ୍ନ ସଂଗଠନ ସ୍ବାଗତ କରିଥିବା ବେଳେ ଉଚ୍ଛେଦରେ ବିସ୍ଥାପିତ ହେଉଥିବା ଲୋକଙ୍କ ସମେତ ବ୍ୟବସାୟୀ, ମଠ ଗୁଡ଼ିକର ଉପଯୁକ୍ତ ଥଇଥାନ ଆବଶ୍ୟକ ।
ଏହିଭଳି ଦାବିପତ୍ର ନେଇ ଆମୀକସ କ୍ୟୁରିଙ୍କୁ ଭେଟିଛି ପୁରୀ ସୁରକ୍ଷା ମଞ୍ଚ ଓ ବ୍ୟବସାୟୀ ସଂଘ । ପୁରୀ ବାସୀ ଶ୍ରୀକ୍ଷେତ୍ରର ବିକାଶ ଚାହାଁନ୍ତି କିନ୍ତୁ ଉଚ୍ଛେଦ ପୂର୍ବରୁ କ୍ଷତିଗ୍ରସ୍ତଙ୍କୁ ଥଇଥାନ ଆବଶ୍ୟକ ବୋଲି ଅନୁରୋଧ କରିଛନ୍ତି ପୁରୀ ସୁରକ୍ଷା ମଞ୍ଚ ଆବାହକ ପ୍ରିୟ ଦର୍ଶନ ପଟ୍ଟନାୟକ
।
ପୁରୀରୁ ଶକ୍ତିପ୍ରସାଦ ମିଶ୍ର, ଇଟିଭି ଭାରତ
