ପୁରୀ: ପୁଣି ଭାଇରାଲ ହେଲା ଶ୍ରୀମନ୍ଦିର ଭିଡିଓ । 3ଜଣ ବିଦେଶିନୀ ପୋଲିସ ସୁରକ୍ଷାକର୍ମୀଙ୍କ ପାଇଁ ଉଦ୍ଦିଷ୍ଟ ଥିବା ୱାଚ ଟାୱାରରେ ଚଢି ଶ୍ରୀମନ୍ଦିର ଭିତର ଦୃଶ୍ୟ ଉତ୍ତୋଳନ କରିଥିବା କୁହାଯାଉଛି । ଯାହାର ଭିଡିଓ ଏବେ ଏବେ ସୋସିଆଲ ମିଡିଆରେ ଭାଇରାଲ ହୋଇଛି ।
ପୁଣି ଶ୍ରୀମନ୍ଦିର ଭିଡିଓ ଭାଇରାଲ
ଯାହାକୁ ନେଇ ସାଧାରଣରେ ଉଦବେଗ ପାଇଛି । ଶ୍ରୀମନ୍ଦିର ସୁରକ୍ଷା ବ୍ୟବସ୍ଥା କଡାକଡି କରାଯାଇଥିବା କୁହାଯାଉଥିବା ବେଳେ ବିଦେଶୀ ମହିଳା ୱାଚ ଟାୱାରରେ ଚଢିବା ସୁରକ୍ଷା ବ୍ୟବସ୍ଥା ଉପରେ ପ୍ରଶ୍ନବାଚୀ ସୃଷ୍ଟି କରିଛି । ଏସବୁ ସୁରକ୍ଷାକର୍ମୀଙ୍କୁ ଅବହେଳା ଯୋଗୁଁ ଘଟିଥିବା କୁହାଯାଉଛି । ସାଧାରଣତଃ ବିଦେଶୀ ପର୍ଯ୍ୟଟକ ହୁଅନ୍ତୁ ଅବା ସାଧାରଣଲୋକ ଶ୍ରୀମନ୍ଦିର ଭିଡିଓ ଉତ୍ତୋଳନ କରିବା ପାଇଁ କାହାରିକୁ ଅନୁମତି ନାହିଁ । ଏପରିସ୍ଥଳରେ ବିଦେଶୀ ପର୍ଯ୍ୟଟକଙ୍କ ଏଭଳି କାରନାମାକୁ ମଧ୍ୟ ସାଧାରଣରେ ନାପସନ୍ଦ କରାଯାଇଛି । ଅନ୍ୟପଟେ ଏନେଇ ପୁରୀ ଏସପିଙ୍କ ପ୍ରତିକ୍ରିୟା ମିଳି ପାରିନାହିଁ ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
