ପୁରୀ: ଶ୍ରୀମନ୍ଦିର ସୁରକ୍ଷା ଜୋନ ପାଇଁ ଜମି ଅଧିଗ୍ରହଣ ପ୍ରକ୍ରିୟା ଆରମ୍ଭ । ପ୍ରଥମ ପର୍ଯ୍ୟାୟରେ ଏହି ଜୋନ ଭିତରେ ଆସୁଥିବା ବାସେଳୀ ସାହି ଓ ମଣି କର୍ଣ୍ଣିକା ସାହିର 5 ପରିବାର ପ୍ରଶାସନକୁ ଜମି ହସ୍ତାନ୍ତର କରିଛନ୍ତି । କ୍ଷତିପୂରଣ ବାବଦରେ ଏମାନଙ୍କୁ 8 କୋଟି 74 ଲକ୍ଷ ଟଙ୍କା ଦିଆଯାଇଛି ।
ତେବେ ଏହି ପରିବାର ଆଗୁଆ ଜମି ହସ୍ତାନ୍ତର କରିଥିବାରୁ ସେମାନଙ୍କୁ ସରକାରୀ ନିୟମ ମୁତାବକ 10 ପ୍ରତିଶତ ଅଧିକ ଅର୍ଥ ପ୍ରଦାନ କରାଯାଇଛି । ସର୍ଭେ ପରେ ଜମି ଅଧିଗ୍ରହଣ ପ୍ରକ୍ରିୟା ଆରମ୍ଭ ହୋଇଛି । ଅନ୍ୟ ବ୍ୟକ୍ତି ମାନେ ମଧ୍ୟ ଏଥିପାଇଁ ସହଯୋଗ କରିବେ ବୋଲି ପ୍ରଶାସନ ଆଶାପ୍ରକାଶ କରିଛି।
ଏଥିଲାଗି 2 ସାହିର ପ୍ରାୟ 30 ପରିବାର ଆଗୁଆ ଜମି ହସ୍ତାନ୍ତର କରିବାକୁ ଆବେଦନ କରିଛନ୍ତି। ଏହାକୁ ଦେଖିବାକୁ ଗଲେ ଶ୍ରୀମନ୍ଦିର ଚତୁଃପାର୍ଶ୍ବ ଅଧିଗ୍ରହଣ ସୁରୁଖୁରୁରେ ହେବା ନେଇ ଆଶା ରହିଛି । ଏପରେ ଶୃଙ୍ଖଳିତ ଭାବେ କାମ ସାରିବାକୁ ସରକାରଙ୍କ ପକ୍ଷରୁ 5 ଆଇଏଏସ ଅଫିସର ସର୍ଭେ କାମରେ ନିୟୋଜିତ । ଜମି ଅଧିଗ୍ରହଣ ପ୍ରକ୍ରିୟାକୁ କମ ଦିନ ଭିତରେ ସଫଳ ହେବ ବୋଲି ପୁରୀ ଉପଜିଲ୍ଲାପାଳ କହିଛନ୍ତି।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
