ବ୍ରହ୍ମଗିରି: ଆଜକୁ 35 ଦିନ ଧରି ବ୍ରହ୍ମଗିରି ବ୍ଲକ ସମ୍ମୁଖରେ ଫନି ବାତ୍ୟା କ୍ଷତିଗ୍ରସ୍ଥ ସଂଗ୍ରାମ ସମିତି ପକ୍ଷରୁ ଅହରାତ୍ର ଧାରଣା ଦିଆଯାଇଥିଲା । ବାତ୍ୟାରେ କ୍ଷତିଗ୍ରସ୍ଥଙ୍କୁ ସରକାରୀ ସହାୟତା ପ୍ରଦାନରେ ଅନିୟମିତତା ଏବଂ ସଠିକ ହିତାଧିକାରୀଙ୍କୁ ସହାୟତା ଦାବି କରାଯାଇଥିଲା । ଧାରଣା ସମୟରେ ସମିତି ପକ୍ଷରୁ ବ୍ରହ୍ମଗିରି ତହସିଲ କାର୍ଯ୍ୟାଳୟ ଘେରାଉ କରାଯାଇଥିଲା।
ଜିଲ୍ଲା ପ୍ରଶାସନର ପ୍ରତିଶୃତି, 35 ଦିନର ଧାରଣା ସ୍ଥଗିତ
ତେବେ ଦୀର୍ଘ ଦିନ ପରେ ଜିଲ୍ଲା ପ୍ରଶାସନ ଧାରଣାକାରୀଙ୍କ ସହ ଆଲୋଚନା କରିବା ପାଇଁ ପ୍ରତିଶୃତି ଦେଇଥିଲେ ହେଁ ଆସିନଥିଲେ । ଫଳରେ ପୁରୀ ବ୍ରହ୍ମଗିରି ଜାତୀୟ ରାଜପଥକୁ ବ୍ଲକ ସମ୍ମୁଖରେ ଧାରଣାକାରୀମାନେ ଅବରୋଧ କରିଥିଲେ ।
ସେପଟେ ବାଧ୍ୟ ହୋଇ ଜିଲ୍ଲା ପ୍ରଶାସନ ଆସି ଧାରଣା ସ୍ଥଳରେ ପହଁଚି 7 ଦିନ ମଧ୍ୟରେ ଦାବି ପୂରଣ ହେବାର ଲିଖିତ ପ୍ରତିଶୃତି ଦେବାରୁ 35 ଦିନର ଧାରଣା ସ୍ଥଗିତ ରଖାଯାଇଛି।
ବ୍ରହ୍ମଗିରିରୁ ଦେବାଶିଷ ଦାସ, ଇଟିଭି ଭାରତ
