ପୁରୀ: ପୁରୀ ସଦର ଅଞ୍ଚଳରେ ଦିନକୁ ଦିନ ବଢିବାରେ ଲାଗିଛି ଜୁଆ ଖେଳ । ଏନେଇ ବିଭିନ୍ନ ମହଲରୁ ଉଦବେଗ ପ୍ରକାଶ ପାଇଛି । ତେବେ ଗତକାଲି(ଶୁକ୍ରବାର) ପୁରୀ ସଦର ଥାନା ପୋଲିସ ପକ୍ଷରୁ ଜୁଆ ଆଡ୍ଡା ଉପରେ ଚଢ଼ାଉ କରାଯାଇ 2 ଜଣ ଜୁଆଡିକୁ ଗିରଫ କରାଯାଇଛି। ଗିରଫ ଜୁଆଡି ହେଲେ ରାହାଙ୍ଗିରିଆର ଲକ୍ଷ୍ମଣ ପ୍ରଧାନ ଓ ଚାରି ନଳାର ସହଦେଵ ମହାରଣା ।
ପୋଲିସ ସୂଚନା ଅନୁଯାୟୀ ଜେନା ସାହି ଛକରେ ଜୁଆ ପାଲି ପଡିଥିବା କୌଣସି ସୂତ୍ରରୁ ଖବର ପାଇ ପୋଲିସ ଟିମ ପକ୍ଷରୁ ସେଠାରେ ଚଢ଼ାଉ କରାଯାଇଥିଲା। ତେବେ ପୋଲିସ ଏହି 2 ଅଭିଯୁକ୍ତଙ୍କୁ ଗିରଫ କରିବାରେ ସକ୍ଷମ ହୋଇ ଥିବାବେଳେ ଅନ୍ୟମାନେ ଖସି ପଳାଇ ଥିଲେ। ଗିରଫ ଅଭିଯୁକ୍ତଙ୍କ ଠାରୁ 703 ଟଙ୍କା ଓ ତାସ ଜବତ ହୋଇଛି । ଏ ନେଇ ଅନେକ ଅଭିଯୋଗ ଆସିବା ପରେ ଜୁଆ ଖେଳ ଉପରେ କଡା ନଜର ରଖିବାକୁ ଜିଲ୍ଲାର ସମସ୍ତ ଥାନାକୁ ନିର୍ଦ୍ଦେଶ ଦେଇଛନ୍ତି ଏସପି କେ. ବିଶାଳ ସିଂ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
