ପୁରୀ: ପିପିଲି ପୋଲିସକୁ ମିଳିଲା ବଡ଼ ସଫଳତା । ଡକାୟତ ଓ ମୋବାଇଲ ଲୁଟେରା ଗ୍ୟାଙ୍ଗକୁ ଧରିବାରେ ସଫଳ ହୋଇଛି ପୁରୀ ପିପିଲି ପୋଲିସ । ତେବେ 3 ଜଣଙ୍କୁ ଗିରଫ କରାଯାଇଥିବା ବେଳେ ସେମାନଙ୍କଠାରୁ 6 ମୋବାଇଲ, ଗୋଟିଏ ବାଇକ ଓ କଟର ମେସିନ ଜବତ କରାଯାଇଛି । ଗିରଫ ଅଭିଯୁକ୍ତ ମାନେ ହେଲେ ପିପିଲି ଅଞ୍ଚଳର ଗଣେଶ ମଲ୍ଲିକ, ବିକାଶ ଖଟେଇ ଓ ବାବୁଲା ବେହେରା ।
ସେପଟେ ପୁରୀ ବଳିଆ ପଣ୍ଡା ପୋଲିସ ମଧ୍ୟ ଏକ 7 ଜଣିଆ ଡକାୟତ ଗ୍ୟାଙ୍ଗକୁ ଧରିବାରେ ସଫଳ ହୋଇଛି । ତାଙ୍କ ନିକଟରୁ ଖଣ୍ଡା, ଲୁହା ରଡ଼ , ଛୁରୀ ଓ ବମ ଇତ୍ୟାଦି ଜବତ କରିଛି ପୋଲିସ । ପୋଲିସର ସୂଚନା ଅନୁଯାୟୀ, ଚନ୍ଦନପୁରର ଦୁର୍ଦାନ୍ତ ଅପରାଧୀ ରବି ମଲ୍ଲିକ ଓ ତାର 6 ସାଥୀ 12 ତାରିଖ ଭୋର 3 ଟା 30ରେ ନୂଆ ଷ୍ଟାର୍ଲିଙ୍ଗ ରୋଡ଼ ବାଇପାସ ନିକଟରେ ଟୁରିଷ୍ଟ ବସକୁ ଅଟକାଇ ଡକାୟତି ଯୋଜନା କରୁଥିବା ପୋଲିସ ପାଖରେ ଖବର ଆସିଥିଲା ।
ଏନେଇ ସ୍ବତନ୍ତ୍ର ପୋଲିସ ଟିମ ଚଢାଉ କରି ସମସ୍ତ ଅପରାଧିଙ୍କୁ ଗିରଫ କରିବା ସହ କୋର୍ଟ ଚାଲାଣ କରିଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
