ପୁରୀ: ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ସବୁଠି ରାଜନୈତିକ ଉଷ୍ମତା । କିଏ ଜିତିବ କିଏ ହାରିବ ତାକୁ ନେଇ ଚାଲିଛି ଚର୍ଚ୍ଚା । ଜିଲ୍ଲା ପରିଷଦ ଜୋନ ବିଜୟ ପାଇଁ ନେତା କରୁଛନ୍ତି ରଣନୀତି । ସେହିଭଳି କେଉଁ ମୁଦ୍ଦାକୁ ନେଇ ନିର୍ବାଚନ ଲଢିବେ ଓ କିଭଳି ବିପକ୍ଷ ପ୍ରାର୍ଥୀଙ୍କୁ ପଛରେ ପକାଇ ବାଜିମାତ୍ କରିବେ ତାକୁ ନେଇ କରୁଛନ୍ତି ବ୍ଲୁପ୍ରିଣ୍ଟ ।
ପୁରୀ ସଦର ବ୍ଳକ ବାଲି ଗୁଆଳି ପଞ୍ଚାୟତରେ ଥିବା ବିଭିନ୍ନ ମୌଳିକ ସମସ୍ୟା ରାସ୍ତା, ପାନୀୟ ଜଳ, ବିଦ୍ୟୁତ, ଗରିବଙ୍କୁ ପକ୍କା ଘର, ବାର୍ଦ୍ଧକ୍ୟ ଭତ୍ତା ଆଦି ସମସ୍ୟାକୁ ମୁଦ୍ଦା କରି ଭୋଟ ଭିକ୍ଷା କରୁଛନ୍ତି । ଗାଁରେ ଥିବା ସମସ୍ୟା କଣ ସମାଧାନ ହୋଇଛି ଓ କି ସମସ୍ୟା ସମାଧାନ ହୋଇନି ତାକୁ ନେଇ ସମୀକ୍ଷା କରି ପ୍ରାର୍ଥୀଙ୍କୁ ଜଣାଉଛନ୍ତି । ଅନ୍ୟପଟେ ଅନେକ ବ୍ୟକ୍ତି ସରପଞ୍ଚ ପ୍ରାର୍ଥୀ ହୋଇଥିଲେ ମଧ୍ୟ ଯେଉଁ ପ୍ରାର୍ଥୀ ପୂର୍ବରୁ ଲୋକଙ୍କ ସହ ରହି ସୁଖଦୁଃଖର ସମସ୍ୟା ବୁଝିଛି ସେହି ପ୍ରାର୍ଥୀଙ୍କୁ ଭୋଟ ଦେଇ ଜିତାଇବେ ବୋଲି ଭୋଟର କହିଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
