ଚଢା ଦରରେ ମଦ ବିକ୍ରି ଅଭିଯୋଗ, ଜଣେ ଗିରଫ

ଚଢା ଦରରେ ଦେଶୀ ଓ ଵିଦେଶୀ ମଦ ବିକ୍ରି ଅଭିଯୋଗରେ ଗୋପ ଥାନା ପାଇକାସାହିରେ ପୁରୀ ଅବକାରୀ ବିଭାଗର ଚଢ଼ାଉ । ଅଧିକ ପଢନ୍ତୁ...

ପୁରୀ: ଲକଡାଉନର ସୁଯୋଗ ନେଇ ଚଢା ଦରରେ ବିକ୍ରି ହେଉଛି ଦେଶୀ ଓ ଵିଦେଶୀ ମଦ । ଏନେଇ ଅଭିଯୋଗ ହେବା ପରେ ପୁରୀ ଅବକାରୀ ବିଭାଗ ପକ୍ଷରୁ ଚଢ଼ାଉ କରାଯାଇ ଜଣକୁ ଗିରଫ କରାଯାଇଛି । ଗୋପ ଥାନା ଅଞ୍ଚଳର ଜହ୍ନିବାଲିଆ ନିକଟସ୍ଥ ପାଇକାସାହି ଗ୍ରାମର ଏକ ଦୋକାନ ଗୃହରେ ଚଢା ଦରରେ ମଦ ବିକ୍ରି କରିବାପାଇଁ ବିପୁଳ ପରିମାଣରେ ଦେଶୀ ଓ ବିଦେଶୀ ମଦ ଗଚ୍ଛିତ ରଖାଯାଇଥିଲା ।

ଏନେଇ ଖବର ପାଇବା ପରେ ପୁରୀ ଜିଲ୍ଲା ଅବକାରୀ ବିଭାଗ ପକ୍ଷରୁ ଚଢ଼ାଉ କରାଯାଇ ରସିଲତା ସ୍ବାଇଁଙ୍କ ଠାରୁ 136 ବୋତଲ ବିଦେଶୀ ମଦ ଓ 50 ବୋତଲ ଦେଶୀମଦ ଜବତ କରି ଅଭିଯୁକ୍ତକୁ ଗିରଫ କରାଯାଇଛି ।

ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ