ପୁରୀ: ଅବକାରୀ ବିଭାଗକୁ ସଫଳତା । ଶୁକ୍ରବାର ସାତପଡ଼ା ଅବକାରୀ ବିଭାଗ ଖବର ପାଇ ସୁନାମୁହିଁ ଛକରୁ ବ୍ରାଉନ ସୁଗାର ବିକ୍ରି ଅଭିଯୋଗରେ ଅଶୋକ ସାହୁଙ୍କୁ ଗିରଫ କରିଛି । ଏହାସହ ତାଙ୍କ ଠାରୁ 5 ଗ୍ରାମ ବ୍ରାଉନ୍ ସୁଗାର୍ ଜବତ କରି ପୋଲିସ 58/20 କେସ ରୁଜୁ କରି ତଦନ୍ତ ଆରମ୍ଭ କରିଛି ।
ଏବେ ଧଳା ଜହର ସାରା ଵ୍ରହ୍ମଗିରିକୁ ନିଜର କବଜା କରି ନେଇଛି । ଯୁବପିଢି ଏହି ନିଶାରେ ବାୟା ହୋଇ ଅସାଧୁ ଉପାୟ ଅବଲମ୍ବନ କରୁଛନ୍ତି । ଅନେକ ଅସାମାଜିକ ଯୁବକ ଅଳ୍ପ ପରିଶ୍ରମ କରି ଅଧିକ ଲାଭ ପାଇବା ଆଶାରେ ଚୋରା ବ୍ରାଉନ୍ ସୁଗାର୍ ବେପାର କରୁଛନ୍ତି । ଏହା ଦ୍ଵାରା ବ୍ରହ୍ମଗିରି,ରାୟବିଧାର,ସୁନାମୁହିଁ ଓ ସାତପଡ଼ା ଅଞ୍ଚଳରେ ଏହି ବେପାର କାୟା ବିସ୍ତାର କରିବାରେ ଲାଗିଛି ।
ପୋଲିସ ଓ ଅବକାରୀ ବିଭାଗ ଏହା ଜାଣି ଚୁପ ରହୁଥିବାର ଅଭିଯୋଗ ହେଇ ଆସୁଛି । ମାତ୍ର ଏବେ ପୋଲିସ ଏହି ନିଶା ବେପାରୀଙ୍କୁ ଧରିବା ପାଇଁ ଅଚାନକ ବିଭିନ୍ନ ସ୍ଥାନରେ ଚଢାଉ ଜାରି ରଖୁଛି ।
ବ୍ରହ୍ମଗିରିରୁ ଦେବାଶିଷ ଦାସ, ଇଟିଭି ଭାରତ
