ପୁରୀ: ଯାନ୍ତ୍ରିକ ତୃଟି ପାଇଁ କୃଷ୍ଣପ୍ରସାଦ ଥାନା ଚିଲିକା ରାଜହଂସ ନିକଟରେ ଅଗଷ୍ଟ 9ରୁ ଅଟକି ରହିଛି ମାଲେସିଆ ପଣ୍ୟବାହୀ ଜାହାଜ । ତେବେ ଏହି ଜାହାଜରୁ ଏବେ ଆରମ୍ଭ ହୋଇଛି ତେଲ କଢା ପ୍ରକ୍ରିୟା । ଅନ୍ୟପଟେ ପୁରୀ ଜିଲ୍ଲା ପ୍ରଶାସନ ପକ୍ଷରୁ ଜାହାଜ ମାଲିକଙ୍କୁ ଜାରି କରାଯାଇଛି ନୋଟିସ । ଯେଉଁଥିରେ ଏକ ସପ୍ତାହ ମଧ୍ୟରେ ଜାହାଜକୁ ଚିଲିକା ଉପକୂଳରୁ ସ୍ଥାନାନ୍ତର କରିବାକୁ ନିର୍ଦ୍ଦେଶ ଦିଆଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ
ସୂଚନା ଅନୁଯାୟୀ ବୁଧବାର ଆସିଥିବା ଏକ 15 ଜଣିଆ ଟିମ୍କୁ ଜାହାଜରୁ ତେଲ କାଢିବା କାର୍ଯ୍ୟରେ ନିୟୋଜିତ କରାଯାଇଛି । ଏନେଇ ଜାହାଜରେ ପାଇପ ଭର୍ତ୍ତି କରାଯାଇଥିଲା । ଏହି ପାଇପକୁ ବାଉଁଶ ସାହାଯ୍ୟରେ ବନ୍ଧା ଯାଇ ବାଲି ପଠା ଉପରେ ରଖାଯାଇଛି । ତେଣେ ବୁଧବାର ଏହି ପାଇପ ବିଛା କାର୍ଯ୍ୟ ସରିବା ପରେ ତେଲ କଢା ଆରମ୍ଭ ହୋଇଥିଲା ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
