ନୟାଗଡ଼: ହୁ ହୁ ହୋଇ ବଢ଼ି ଚାଲିଛି ତୈଳ ଦର । କେନ୍ଦ୍ର ସରକାରଙ୍କ ପେଟ୍ରୋଲ, ଡିଜେଲ ଓ ରନ୍ଧନ ଗ୍ୟାସ ଦରରେ ଅହେତୁକ ମୂଲ୍ୟବୃଦ୍ଧିକୁ ପ୍ରତିବାଦ କରିଛି ନୟାଗଡ଼ କଂଗ୍ରେସ । ପ୍ରତିବାଦ ସ୍ୱରୂପ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବ୍ୟାନରକୁ ଚିରିଛି କଂଗ୍ରେସ । ନୟାଗଡ଼ ସହରରେ ଥିବା ପ୍ରଧାନମନ୍ତ୍ରୀଙ୍କ ବ୍ୟାନରକୁ ଚିରା ଯାଇଛି । ଜିଲ୍ଲା କଂଗ୍ରେସ ସଭାପତି ଆଇନଜୀବି ରଣଜିତ ଦାଶଙ୍କ ନେତୃତ୍ୱରେ ଜିଲ୍ଲା ଯୁବ କଂଗ୍ରେସ କାର୍ଯ୍ୟକାରୀ ସଭାପତି ପ୍ରତୀକ ମହାପାତ୍ରଙ୍କ ସମେତ ବହୁ କଂଗ୍ରେସ କର୍ମୀ ଏଥିରେ ସାମିଲ ହୋଇଥିଲେ ।
ଜିଲ୍ଲା ଛାତ୍ର କଂଗ୍ରେସ ସଭାପତି ଅକ୍ଷୟ କୁମାର ମଲ୍ଲ, ସାଧାରଣ ସମ୍ପାଦକ ଅବଦୁଲ ନିଜାମଙ୍କ ସହ ଦଳୀୟ କାର୍ଯ୍ୟକର୍ତ୍ତା ମାନେ ମିଳିତ ଭାବେ ପ୍ରତ୍ୟେକ ପେଟ୍ରୋଲ ପମ୍ପରୁ ପ୍ରଧାନମନ୍ତ୍ରୀ ମୋଦିଙ୍କ ଫଟୋ ଚିରି ତୈଳ ଦରବୃଦ୍ଧିର ଅଭିନବ ପ୍ରତିବାଦ କରିଥିଲେ । ଚଳିତ ସପ୍ତାହରେ ସମଗ୍ର ଜିଲ୍ଲାରେ ପ୍ରତ୍ୟେକ ପେଟ୍ରୋଲ ପମ୍ପରୁ କଂଗ୍ରେସ କର୍ମୀମାନେ ପ୍ରଧାନମନ୍ତ୍ରୀ ମୋଦିଙ୍କ ଫୋଟୋ ହଟାଇ ତୈଳ ରନ୍ଧନ ଗ୍ୟାସ ଦରବୃଦ୍ଧିର ଦୃଢ଼ ପ୍ରତିବାଦ କରାଯିବ ବୋଲି ଜିଲ୍ଲା କଂଗ୍ରେସ ପକ୍ଷରୁ କୁହାଯାଇଛି l
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
