ପୁରୀ: ଶାରଦୀୟ ଦୁର୍ଗାପୂଜାକୁ ନେଇ ଚଳଚଞ୍ଚଳ ଶ୍ରୀକ୍ଷେତ୍ର । ଏହି ଅବସରରେ ଶ୍ରୀକ୍ଷେତ୍ରରେ ରହିଛି ଆଉ ଏକ ପରମ୍ପରା । ଯାହା ନାଗା ପୂଜା ନାମରେ ପ୍ରସିଦ୍ଧ ।
ଏହାକୁ ନେଇ ଶ୍ରୀକ୍ଷେତ୍ରରେ ଚାଲିଛି ପ୍ରସ୍ତୁତି ପର୍ବ । ବିଭିନ୍ନ ସାହିରେ ତିଆରି ଚାଲିଛି ବିଶାଳ ନାଗା ମୂର୍ତ୍ତି । ତେବେ ପୂର୍ବରୁ ଶ୍ରୀକ୍ଷେତ୍ରର ଚତୁଃପାର୍ଶ୍ବ ଥିବା ଶକ୍ତିପୀଠକୁ ନାଗା ସାଧୁମାନେ ସୁରକ୍ଷା ଦେଉଥିଲେ । ଏହାସହ ସେମାନେ ମଲ ବିଦ୍ୟାରେ ମଧ୍ୟ ନିପୁଣ ଥିଲେ । ସେହି ସ୍ମୃତିରେ ଶକ୍ତି ପୂଜା ସହିତ ନାଗା ପୂଜା ମଧ୍ୟ ବିଭିନ୍ନ ସାହିରେ ଅନୁଷ୍ଠିତ ହୋଇଥାଏ ।
ତେବେ ଏହି ନାଗା ମୂର୍ତ୍ତି ବେଶ ନିଆରା । ଏହି ମୂର୍ତ୍ତିର ଉଚ୍ଚତା 20 ଫୁଟ । ମସ୍ତକରେ ସିନ୍ଦୁର କଲି, 22 ପ୍ରକାର ଅସ୍ତ୍ର ସହ ବାହୁରେ ଏରା ପକ୍ଷୀ ପର ଧାରଣ , କଟୁରୀ, ଛୁରୀ, ବ୍ୟାଘ୍ର ଛାଲ ସମେତ ଅନେକ ପାରମ୍ପରିକ ଅଳଙ୍କାର ପରିଧାନ କରିଥାନ୍ତି ଏହି ନାଗା ମୂର୍ତ୍ତି । ଦୁର୍ଗାଙ୍କ ସହ ନାଗା ସାଧୁଙ୍କ ଏହି ପୂଜା ସାରା ରାଜ୍ୟରେ ନିଆରା ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
