ପୁରୀ: ଦୁଷ୍କର୍ମ ଉଦ୍ୟମ । ପୁଣି ଏକ ଲଜ୍ଜାଜନକ ଖବର ଆସିଛି ପୁରୀ କାକଟପୁରରୁରେ ଥିବା ଆଶ୍ରମରେ ମହଳାଙ୍କୁ ଦୁଷ୍କର୍ମ ଉଦ୍ୟମ । ନିଜକୁ ବଞ୍ଚାଇବାକୁ ଯାଇ ମହିଳା ଦୁବୃର୍ତ୍ତର ଜିଭକୁ କାମୁଡି ଛିଣ୍ଡାଇଲା । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
କାକଟପୁର ଥାନା ନିକଟସ୍ଥ ଦଧିଚି ଆଶ୍ରମରେ ଜଣେ ମହିଳା ଅନ୍ତେବାସୀଙ୍କୁ ଦୁଷ୍କର୍ମ ଉଦ୍ୟମ ଅଭିଯୋଗ ହୋଇଛି । ଶୌଚ ପାଇଁ ଯାଇଥିବାବେଳେ ଆଶ୍ରମ ପରିସରରେ ପଶି ଜଣେ ଦୁର୍ବୃତ୍ତ ତାଙ୍କ ସହ ଦୁଷ୍କର୍ମ ଉଦ୍ୟମ କରିଥିଲା । ଏହି ସମୟରେ ନିଜକୁ ବଞ୍ଚାଇବାକୁ ଯାଇ ମହିଳା ଜଣଙ୍କ ଦୁବୃର୍ତ୍ତର ଜିଭକୁ କାମୁଡି ଦେବାରୁ ସେଠାରୁ ସେ ଚମ୍ପଟ ମାରିଥିଲା । ଖବର ପାଇ କାକଟପୁର ପୋଲିସ ପହଞ୍ଚି ଛିଣ୍ଡା ଜିଭକୁ ଜବତ କରି ପରୀକ୍ଷା ପାଇଁ ପଠାଯାଇଛି । ରିପୋର୍ଟ ଆସିବା ପରେ ସତ୍ୟାସତ୍ୟ ଜଣାପଡିବା ବୋଲି ପୋଲିସ କହିଛି ।
କାକଟପୁର ଥାନାଠାରୁ ମାତ୍ର 50 ମିଟର ଦୂରରେ ଦଧିଚି ଆଶ୍ରମ ରହିଛି । ଥାନା ପାଖରେ ଆଶ୍ରମ ଥାଇ ମଧ୍ୟ କିଭଳି ସେଠାରେ ଏଭଳି କାଣ୍ଡ ହେଲା ତାକୁ ନେଇ ସୁରକ୍ଷା ବ୍ୟବସ୍ଥା ଉପରେ ପ୍ରଶ୍ନବାଚୀ ଉଠିଛି । ଅନ୍ୟପଟେ ଘଟଣାକୁ ନେଇ ବିଭିନ୍ନ ମହଲରେ ଉଦବେଗ ପ୍ରକାଶ ପାଇଥିବା ବେଳେ ଦୋଷୀ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନେବାକୁ ସାଧାରଣରେ ଦାବି ହୋଇଛି ।
ପୁରୀରୁ ଶକ୍ତି ପ୍ରସାଦ ମିଶ୍ର,ଇଟିଭି ଭାରତ
