ପୁରୀ: ଜିଲ୍ଲାର କୃଷ୍ଣ ପ୍ରସାଦ ଥାନା ଚିଲିକାର ରାଜହଂସ ନିକଟ ସମୁଦ୍ର କୂଳରେ ଥିବା ମାଲେସିଆ ଜାହାଜରୁ ଏଯାଏଁ ଅଚଳାବସ୍ଥା ହଟିପାରିନାହିଁ । ଜାହାଜରେ ଯାନ୍ତ୍ରିକ ତ୍ରୁଟି ଏ ପର୍ଯ୍ୟନ୍ତ ମରାମତି ହୋଇ ପରିନାହିଁ । ଜାହାଜ ସହିତ ଥିବା କଣ୍ଟେନର ଏବେ ବି ବିଚ୍ଛିନ୍ନ ହୋଇ ରହିଛି ।
ଜାହାଜଟି ରାଜହଂସ ଠାରୁ ଖିରି ସାହି ଆଡକୁ ଦୁଇ କିଲୋମିଟର ଦୂରରେ ଥିବାବେଳେ କଣ୍ଟେନରଟି ରାଜହଂସ ପାଖରେ ରହିଛି । କଣ୍ଟେନରକୁ ଦୁଇଟି ଦଉଡି ସାହାଯ୍ୟରେ ବନ୍ଧା ଯାଇ ରଖାଯାଇଥିଲା। ସେଥିରୁ ଗୋଟିଏ ଦଉଡି ଛିଣ୍ଡିଯିବାରୁ ଏହା କୂଳରୁ ସମୁଦ୍ର ଭିତରକୁ କିଛି ଦୂର ଚାଲି ଯାଇଛି ।
ସେହିପରି ଅନ୍ୟ ଦଉଡିଟି ଯଦି ଛିଡି ଯାଏ ତେବେ ଏହା ଚିଲିକା ମୁହାଣ ଆଡକୁ ଆସିବାର ଆଶଙ୍କା ସୃଷ୍ଟି ହୋଇଛି । ଅନ୍ୟ ପକ୍ଷରେ କଣ୍ଟେନରରେ ଫାଟ ସୃଷ୍ଟି ହୋଇଥିବାରୁ ଏହା ଭିତରେ ପାଣି ପଶି ଯାଇଛି। ପାଣି କଢ଼ା ଯାଉନଥିବାରୁ ଏହା କୌଣସି ସମୟରେ ବୁଡି ଯିବାର ଆଶଙ୍କା ରହିଛି । ଯାହା ଚିଲିକା ପାଇଁ ଘୋର ବିପଦ ଆଣିଦେଇପାରେ ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
