ପୁରୀ: ମହାପ୍ରଭୁଙ୍କ ନାଗାର୍ଜୁନ ବେଶ ନେଇ ନୀତି ନିର୍ଘଣ୍ଟ ଚୂଡାନ୍ତ । ଅଗାମୀ ନଭେମ୍ବର 27ରେ ପଡୁଛି ମହାପ୍ରଭୁଙ୍କ ନାଗାର୍ଜୁନ ବେଶ । ତେବେ ଏଥର କୋଭିଡ ସ୍ଥିତି ଦେଖି ଭକ୍ତଙ୍କ ଦର୍ଶନ ପାଇଁ କଟକଣା ଜାରି ହୋଇଛି ।
ଶ୍ରୀମନ୍ଦିର ଛତିଶା ନିଯୋଗ ବୈଠକରେ ଏହି ନିଷ୍ପତ୍ତି ହୋଇଛି । ମହାପ୍ରଭୁଙ୍କ କାର୍ତିକ ନୀତି ଓ ନାଗାର୍ଜୁନ ବେଶର ନୀତି ନିର୍ଘଣ୍ଟ ଚୂଡାନ୍ତ ହୋଇଛି । ନଭେମ୍ବର 27ରେ ମହାପ୍ରଭୁଙ୍କ ନାଗାର୍ଜୁନ ବେଶ ଭୋର 4ଟା ବେଳେ ଆରମ୍ଭ ହୋଇ ସକାଳ 7 ଟା ଯାଏ ଚାଲିବ । ସେହିପରି ଅପରାହ୍ନ 3ଟାରେ ଏହି ବେଶ ଉଲାଗି ହେବ ।
ଦୀର୍ଘ 25 ବର୍ଷ ପରେ ମହାପ୍ରଭୁଙ୍କର ନାଗାର୍ଜୁନ ବେଶ ଅନୁଷ୍ଠିତ ହେବ । ଶେଷ ଥର 1994ରେ ନାଗାର୍ଜୁନ ବେଶ ଅନୁଷ୍ଠିତ ହୋଇଥିଲା ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
