ପୁରୀ: ଆସୁଛି ଆଲୋକର ପର୍ବ ଦୀପାବଳି । ଏହି ଅବସରରେ କାଳୀ ପୂଜା ପାଇଁ ଉତ୍ସବମୁଖପ ପୁରପଲ୍ଲୀ । ମା ଦକ୍ଷିଣକାଳୀଙ୍କ ପୀଠରେ କାଳୀ ପୂଜା ପାଇଁ ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଛି । ପରମ୍ପରା ଅନୁସାରେ ମାଙ୍କର ପୂଜା ରୀତିନୀତି ସଂପନ୍ନ ହେବ । ଅ।ସନ୍ତା ୨୪ ତାରିଖ ଅର୍ଥାତ ଅକ୍ଟୋବର ୨୪ ତାରିଖ ମଧ୍ୟ ରାତ୍ର ୧୨ଟା ପରେ ମାଙ୍କର ଗୁପ୍ତ ରୀତିନୀତି ଅନୁଷ୍ଠିତ ହେବ । କୋଭିଡ କଟକଣା କୋହଳ ହେବା ପରେ ଭକ୍ତଙ୍କ ଦର୍ଶନରେ କଟକଣା କୋହଳ କରିଛି ପ୍ରଶାସନ । ଚଳିତ ବର୍ଷ ମାଙ୍କ ପୀଠକୁ ଆସି ସାନିଧ୍ୟ ଲାଭ କରିବାର ସୁଯୋଗ ପାଇବେ ଭକ୍ତ ।
ଏହା ମଧ୍ୟ ପଢନ୍ତୁ: ଦଳିତଙ୍କୁ ଆକ୍ରମଣ ଘଟଣା, କାର୍ଯ୍ୟାନୁଷ୍ଠାନ ଦାବିରେ ଏସ୍ପିଙ୍କୁ ଫେରାଦ
ପୁରୀ ଜିଲ୍ଲା ବୀରଗୋବିନ୍ଦପୁର ମା’ ଦକ୍ଷିଣକାଳୀ ପୀଠ । ବହୁ ପୁରାତନ କାଳରୁ ଏଠାରେ ପୂଜା ପାଇ ଅ।ସୁଛନ୍ତି ମା’ କାଳୀ । ଶ୍ରଦ୍ଧାଳୁ ମାନଙ୍କର ବିଶ୍ଵାସ ଏଠାରେ ମାଙ୍କୁ ପୂଜାର୍ଚ୍ଚନା କରାଗଲେ ମନ ସ୍କାମନା ପୂରଣ ହୋଇଥାଏ । ପରମ୍ପରା ଅନୁସାରେ ନିସାର୍ଦ୍ଧ ରାତି ପରେ ମାଙ୍କର ମୁଖ୍ୟ ପୂଜକ ରିତୀନିତୀ ଅନୁସ।ରେ ପୂଜା ଆରମ୍ଭ କରାଯାଇ ପରଂପରାନୁସାରେ ମାଙ୍କୁ ଛାଗ ବଳି ମା’ଙ୍କୁ ଅର୍ପଣ କରାଯ।ଇଥାଏ ।
ଏହି ପୂଜାର୍ଚ୍ଚନା ସକାଳ ଯାଏଁ ଚାଲିବା ପରେ ଭକମାନେ ମାଙ୍କର ଦର୍ଶନ ପାଇ ମାଙ୍କୁ ପୂଜାର୍ଚ୍ଚନା କରିଥାନ୍ତି । କିନ୍ତୁ ଚଳିତ ବର୍ଷ କୋଭିଡ କଟକଣା କୋହଳ ହେବା ପରେ ମା’ଙ୍କ ଦର୍ଶନ ଉପରେ କଟକଣା କୋହଳ କରିଛି ପ୍ରଶାସନ । ଭକ୍ତମାନେ ମାଙ୍କ ପୀଠକୁ ଆସି ଦର୍ଶନ ପାରିବେ। ଏହା ପୂର୍ବରୁ ବୀରଗୋବିନ୍ଦପୁର ମା’ ଦକ୍ଷିଣକାଳୀ ମନ୍ଦିର ସଜେଇ ହେବାରେ ଲାଗିଛି । ମନ୍ଦିର ଓ ମୁଖ୍ୟ ଗେଟକୁ ନୂଆ ରଙ୍ଗ ଦେଇ ସଜାଉଛି କାରିଗର । ପ୍ରଥମ ଥର ପାଇଁ ଗ୍ରାମ୍ୟ ଓ କିଛି ବଦ୍ୟାନ ବ୍ୟକ୍ତିଙ୍କ ସହଯୋଗରେ ମାଙ୍କ ପାଇଁ ଚାନ୍ଦି (ରୂପା) ମେଢ଼ ପ୍ରସ୍ତୁତ କରାଯାଉଥିବା ଗ୍ରାମବାସୀ କହିଥିବା ବେଳେ ମାଙ୍କ ପାଇଁ ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଛି ।
ଏନେଇ ପୁରୀ ଉପଜିଲ୍ଲାପାଳ କହିଛନ୍ତି, "କାଳୀପୂଜା ପାଇଁ ପ୍ରସ୍ତୁତି ବୈଠକ ଶେଷ ହୋଇଛି । ନୀତିକ୍ରାନ୍ତି ସହ ରାସ୍ତାଘାଟ ଉପରେ ମଧ୍ୟ ଆଲୋଚନା କରାଯାଇଛି ।ଏହି ସମୟରେ ସୂର୍ଯ୍ୟପରାଗ ପଡୁଥିବା ଯୋଗୁଁ କିଭଳି ଭକ୍ତମାନେ ଆସି ସୁରୁଖୁରୁରେ ଦର୍ଶନ କରିବେ ସେନେଇ ଆଲୋଚନା କରାଯାଇ ସମସ୍ତଙ୍କୁ ଦାୟିତ୍ବ ଦିଆଯାଇଛି ।"
ଇଟିଭି ଭାରତ, ପୁରୀ
