ବ୍ରହ୍ମଗିରି: ପ୍ରଭୁ ଅଲାରନାଥଙ୍କ ଝୁଲଣ ପର୍ବ ଆରମ୍ଭ ହୋଇଯାଇଛି । ଶ୍ରାବଣ ମାସ ଶୁକ୍ଳପକ୍ଷ ଦଶମୀ ତିଥି ଆରମ୍ଭ ହୋଇଥିବା ଏହି ପର୍ବ ଆସନ୍ତା ପୂର୍ଣ୍ଣିମା ପର୍ଯ୍ୟନ୍ତ ଚାଲିବ । ପ୍ରଭୁ ଅଲାରନାଥଙ୍କ ଝୁଲଣ ପର୍ବ ପାଇଁ ମନ୍ଦିରରେ ଶ୍ରଦ୍ଧାଳୁଙ୍କ ଖଚାଖଚ ଭିଡ ଦେଖିବାକୁ ମିଳିଛି ।
ତେବେ ରବିବାର ପ୍ରଥମେ ସନ୍ଧ୍ୟା ଆଳତୀ ପରେ ମଦନମୋହନ, ଶ୍ରୀଦେବୀ ଓ ଭୂଦେବୀଙ୍କୁ ବାହୁ ବିଜେ କରାଇ ମନ୍ଦିର ବେଢାରେ ଏକ ଘେରା ପରିକ୍ରମା କରାଯାଇଥିଲା । ଏହା ପରେ ମହାପ୍ରଭୁଙ୍କୁ ଝୁଲଣ ବେଦିକୁ ଅଣାଯାଇ ଝୁଲଣ ଦୋଳିରେ ଉପବେଶନ କରାଯାଇଥିଲା । ପ୍ରଥମ ଦିନରେ ଅହିରାଜପୁର ଗ୍ରାମର ଗୋଟିପୁଅ ଗ୍ରୁପଙ୍କ ଦ୍ଵାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଝୁଲଣ ପର୍ବର ପ୍ରତ୍ୟେକ ସନ୍ଧ୍ୟାରେ ସାଂସ୍କୃତିକ କାର୍ଯ୍ୟକ୍ରମ ଆୟୋଜନ କରାଯିବ ବୋଲି ମନ୍ଦିର ପରିଚାଳନା କମିଟି ପକ୍ଷରୁ ସୂଚନା ମିଳିଛି ।
କୋରୋନା ହେତୁ ଦୁଇବର୍ଷ ଝୁଲଣ ପର୍ବ ଦର୍ଶନରୁ ଭକ୍ତ ମାନେ ବଞ୍ଚିତ ଥିଲେ । ଚଳିତ ବର୍ଷ ବହୁ ଭକ୍ତଙ୍କ ସମାଗମ ହେବ ବୋଲି ଆଶା କରାଯାଉଛି ।
ବ୍ରହ୍ମଗିରି: ପ୍ରଭୁ ଅଲାରନାଥଙ୍କ ଝୁଲଣ ପର୍ବ ଆରମ୍ଭ ହୋଇଯାଇଛି । ଶ୍ରାବଣ ମାସ ଶୁକ୍ଳପକ୍ଷ ଦଶମୀ ତିଥି ଆରମ୍ଭ ହୋଇଥିବା ଏହି ପର୍ବ ଆସନ୍ତା ପୂର୍ଣ୍ଣିମା ପର୍ଯ୍ୟନ୍ତ ଚାଲିବ । ପ୍ରଭୁ ଅଲାରନାଥଙ୍କ ଝୁଲଣ ପର୍ବ ପାଇଁ ମନ୍ଦିରରେ ଶ୍ରଦ୍ଧାଳୁଙ୍କ ଖଚାଖଚ ଭିଡ ଦେଖିବାକୁ ମିଳିଛି ।
ତେବେ ରବିବାର ପ୍ରଥମେ ସନ୍ଧ୍ୟା ଆଳତୀ ପରେ ମଦନମୋହନ, ଶ୍ରୀଦେବୀ ଓ ଭୂଦେବୀଙ୍କୁ ବାହୁ ବିଜେ କରାଇ ମନ୍ଦିର ବେଢାରେ ଏକ ଘେରା ପରିକ୍ରମା କରାଯାଇଥିଲା । ଏହା ପରେ ମହାପ୍ରଭୁଙ୍କୁ ଝୁଲଣ ବେଦିକୁ ଅଣାଯାଇ ଝୁଲଣ ଦୋଳିରେ ଉପବେଶନ କରାଯାଇଥିଲା । ପ୍ରଥମ ଦିନରେ ଅହିରାଜପୁର ଗ୍ରାମର ଗୋଟିପୁଅ ଗ୍ରୁପଙ୍କ ଦ୍ଵାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଝୁଲଣ ପର୍ବର ପ୍ରତ୍ୟେକ ସନ୍ଧ୍ୟାରେ ସାଂସ୍କୃତିକ କାର୍ଯ୍ୟକ୍ରମ ଆୟୋଜନ କରାଯିବ ବୋଲି ମନ୍ଦିର ପରିଚାଳନା କମିଟି ପକ୍ଷରୁ ସୂଚନା ମିଳିଛି ।
କୋରୋନା ହେତୁ ଦୁଇବର୍ଷ ଝୁଲଣ ପର୍ବ ଦର୍ଶନରୁ ଭକ୍ତ ମାନେ ବଞ୍ଚିତ ଥିଲେ । ଚଳିତ ବର୍ଷ ବହୁ ଭକ୍ତଙ୍କ ସମାଗମ ହେବ ବୋଲି ଆଶା କରାଯାଉଛି ।
Please write to us, for media partnership and Ad-sales inquiries. Email: adops@etvbharat.com
