ପୁରୀ: ଜନନୀ ଆମ୍ବୁଲାନ୍ସ ଦୁର୍ଘଟଣା ଗ୍ରସ୍ତ । ଶୁକ୍ରବାର କୋଣାର୍କ କାକଟପୁର ରାସ୍ତାର ଜମରା ଗ୍ରାମ ହାତୀମଲା ଛକ ନିକଟରେ କାକଟପୁର ଅଭିମୁଖେ ଯାଉଥିବା ଏକ ଜନନୀ ଆମ୍ବୁଲାନ୍ସ, ଦୁର୍ଘଟଣା ଗ୍ରସ୍ତ ହୋଇଛି। ଯେଉଁଥିରେ ଡ୍ରାଇଭର ଗୁରୁତର ଆହତ ହୋଇଥିବା ଜଣାପଡିଛି ।
ସୂଚନା ଅନୁଯାୟୀ, ଶୁକ୍ରବାର ଆମ୍ବୁଲାନ୍ସଟି କାକଟପୁର ଅଭିମୁଖେ ଯାଉଥିଲା । ସେହି ସମୟରେ ଡ୍ରାଇଭର ଘୁମାଇବା କାରଣରୁ ଗାଡିଟି ନିୟନ୍ତ୍ରଣ ହରାଇ ଡାହାଣ ପଟକୁ ମାଡିଯାଇ ଏକ ଗଛରେ ପିଟିହୋଇ ଯାଇଥିଲା। ଗାଡ଼ିରେ କେହି ରୋଗୀ ନଥିବା ବେଳେ ଦୁର୍ଘଟଣାରେ ଡ୍ରାଇଭର ଆହତ ହୋଇଥିବା ସୂଚନା ମିଳିଛି । ଆମ୍ବୁଲାନ୍ସଟି କୋଣାର୍କ ମେଡିକାଲର ବୋଲି ଜଣାପଡିଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
