ପୁରୀ: ଛତିଶଗଡ଼ରେ ନକ୍ସଲଙ୍କ ଆକ୍ରମଣରେ ଶହୀଦ ହୋଇଥିବା ବୀର ଯବାନଙ୍କ ଅମର ଆତ୍ମା ସଦଗତି ନିମନ୍ତେ ଶ୍ରୀଜଗନ୍ନାଥ ସେନା ପକ୍ଷରୁ ଶ୍ରୀମନ୍ଦିର ସମ୍ମୁଖରେ ମହାପ୍ରଭୁଙ୍କ ନିକଟରେ ଦୀପ ଦାନ କରାଯାଇଛି । ସେହିପରି ନାଗା ସାଧୁ ବୈଷ୍ଣବପୁରକୁ ଯେଭଳି ଅନ୍ୟାୟ ଭାବରେ ପୋଲିସ ଗିରଫ କରିିଛି ତାହାର ମଧ୍ୟ ପ୍ରତିବାଦ କରିଛି ଶ୍ରୀଜଗନ୍ନାଥ ସେନା ।
ଜଣେ ନାଗା ସାଧୁ ଶ୍ରୀମନ୍ଦିର ଭିତରେ ରୋହିଣୀ କୁଣ୍ଡ ଖୋଲିବା ନେଇ କହିବା ଘଟଣାରେ ତାଙ୍କୁ ଗିରଫ କରାଯିବା ଠିକ୍ ନୁହେଁ ବୋଲି ସଂଗଠନ କହିଛି । ବ୍ରିଟିଶ, ମୋଗଲ ଶାସନରେ ମଧ୍ୟ ସାଧୁଙ୍କ ଉପରେ ଏମିତି ଅତ୍ୟାଚାର ହୋଇନି ଯେଭଳି ଏବେ ପ୍ରଶାସନ କରିଛି । କୋଭିଡ ଗାଇଡ଼ ଲାଇନ ସବୁ କିଛି ଚାଲିଥିବା ବେଳେ ରୋହିଣୀ କୁଣ୍ଡ କଣ ପାଇଁ ଭକ୍ତଙ୍କ ପାଇଁ ଖୋଲା ଯାଉ ନାହିଁ ଶ୍ରୀଜଗନ୍ନାଥ ପ୍ରଶ୍ନ କରିଛି । ତୁରନ୍ତ ନାଗା ସାଧୁଙ୍କୁ ପ୍ରଶାସନ ଦୋଷ ମୁକ୍ତ କରି ଜେଲରୁ ନମୁକୁଳାଇଲେ ଶ୍ରୀଜଗନ୍ନାଥ ସେନା ଆନ୍ଦୋଳନକୁ ଓହ୍ଲାଇବ ବୋଲି ଚେତାବନୀ ଦେଇଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିିଭି ଭାରତ
