ବାଲେଶ୍ବର: ରାଜ୍ୟ ସରକାର ଚାଷ ଓ ଚାଷୀର ଉନ୍ନତି ପାଇଁ କରିଛନ୍ତି କାଳିଆ ଯୋଜନା । କିନ୍ତୁ ଯୋଜନାରୁ ନୀଳଗିରି ଭଳି ଆଦିବାସୀ ଅଧ୍ୟୁଷିତ ଅଞ୍ଚଳର ଚାଷୀମାନେ ବଞ୍ଚିତ ହୋଇଥିବା ଅଭିଯୋଗ ହୋଇଛି ।
ଆଜି ଭାରତୀୟ କମ୍ୟୁନିଷ୍ଟ ପାର୍ଟି ପକ୍ଷରୁ ନୀଳଗିରି ବରିଷ୍ଠ ନେତା ନିରଞ୍ଜନ ବାରିକଙ୍କ ନେତୃତ୍ୱରେ ୪ ଦଫା ଦାବି ନେଇ ଏକ ଗଣଧାରଣା ଦିଆଯାଇଥିଲା । ବସଷ୍ଟାଣ୍ଡରୁ ଏକ ରାଲିରେ ଆସି ଉପଜିଲ୍ଲାପାଳ ଅଫିସ ସାମ୍ନାରେ ଦିଆଯାଇଥିଲା ଏହି ଧାରଣା । ଜିଲ୍ଲାର ଅନେକ ଚାଷୀ ଓ ମହିଳାମାନେ ଯୋଗଦେଇଥିଲେ ।
ତୁରନ୍ତ କାଳିଆ ଯୋଜନାର ଟଙ୍କା ଚାଷୀଙ୍କୁ ଚାଷ କାର୍ଯ୍ୟ ପୂର୍ବରୁ ପ୍ରଦାନ କରିବାକୁ ଦାବି ହୋଇଛି ।
ଭିଡ଼ିଓ ସୌଜନ୍ଯ: ସମ୍ବାଦଦାତା, ବାଲେଶ୍ବର
ଏହାସହ ଯୋଜନାର ଅର୍ଥ ପ୍ରଦାନ କରିବାରେ ରାଜନୈତିକ ହସ୍ତକ୍ଷେପ ନକରିବା ଓ ପେଟ୍ରୋଲ, ଡିଜେଲ ଦର ହ୍ରାସ କରିବା ଦାବି ମଧ୍ୟ କରାଯାଇଛି।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
