ପୁରୀ: ପୋଲିସ ପଞ୍ଝାରେ କୁଖ୍ୟାତ ଅପରାଧୀ ମାଧବ ଖୁଣ୍ଟିଆ । ପୂର୍ବତନ ପୌରସଦସ୍ୟ ତଥା ସେବାୟତ ଗୁନ ସିଂହାରୀ ହତ୍ୟାକାଣ୍ଡ ମାମଲାରେ ମାଧବକୁ ଗିରଫ କରିଛି ପୁରୀ ପୋଲିସ ।
ସୂଚନାଅନୁସାରେ, ଗତ 2012 ଅଗଷ୍ଟ 22ରେ ବାଲିସାହି ପଞ୍ଚାୟତ ସମ୍ମୁଖରେ ଗୁନୁଙ୍କୁ ଗୁଳି କରି ହତ୍ୟା କରାଯାଇଥିଲା । ରାଜନୈତିକ ଏବଂ ବ୍ୟବସାୟ ଶତ୍ରୁତାକୁ ନେଇ ଏହି ହତ୍ୟାକାଣ୍ଡ ଘଟିଥିଲା ଯାହିକି ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଥିଲା । ମାଧବକୁ ଗିରଫ କରିବା ପୁରୀ ପୋଲିସ ପାଇଁ ଏକ ଚାଲେଞ୍ଜ ହୋଇଥିଲା । ଗୁରୁବାର ମାଧବକୁ ଗିରଫ କରି ବଡ ସଫଳତା ପାଇଛି ପୋଲିସ । ମାଧବ ନାଁରେ ହତ୍ୟା ଓ ବିଭିନ୍ନ ମାରଣାସ୍ତ୍ର ରଖିଥିବା ଅଭିଯୋଗ ରହିଛି ।
ପୋଲିସ ଘଟଣାର ତଦନ୍ତ କରି ଅଭିଯୁକ୍ତ ମାଧବ ଖୁଣ୍ଟିଆକୁ ଗିରଫ କରିଥିଲା । ହେଲେ ମାଧବ ଖୁଣ୍ଟିଆ ହାଇକୋର୍ଟରୁ ନିଜର ଗିରଫଦାରୀ ଉପରେ ଷ୍ଟେ ଅର୍ଡର ଆଣିବାକୁ ସକ୍ଷମ ହୋଇଥିଲା । ହାଇକୋର୍ଟରେ ଷ୍ଟେ ଅର୍ଡର ସମୟ ଅବଧି ସରିବା ପରେ ପୋଲିସ ମାଧବକୁ ଗୁରୁବାର ଗିରଫ କରିଛି ।
ପୁରୀରୁ ଶକ୍ତି ପ୍ରସାଦ ମିଶ୍ର,ଇଟିଭି ଭାରତ
