ପୁରୀ: ମାଟି ତଳୁ ଯୁବତୀଙ୍କ ଅର୍ଦ୍ଧଦଗ୍ଧ ମୃତଦେହ ଉଦ୍ଧାର । ପୁରୀ ସଦର ବ୍ଲକ ତଳଜଙ୍ଗ ନଇକୂଳ ସାହିରେ ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି । ପୋଲିସ ଓ ମାଜିଷ୍ଟ୍ରେଟଙ୍କ ଉପସ୍ଥିତିରେ ମୃତଦେହ ଉଦ୍ଧାର କରାଯାଇଛି । ମୃତ ଯୁବତୀ ସ୍ଥାନୀୟ ସ୍ବର୍ଗତ ରଘୁନାଥ ଜେନାଙ୍କ 18 ବର୍ଷୀୟା ଝିଅ ଭାରତୀ ଜେନା ହୋଇଥିବା ପରିଚୟ ମିଳିଛି ।
ମାଟି ତଳୁ ଯୁବତୀଙ୍କ ଅର୍ଦ୍ଧଦଗ୍ଧ ମୃତଦେହ ଉଦ୍ଧାର, 7 ଅଟକ
ଗତ 6-7 ଦିନ ତଳେ ଯୁବତୀଙ୍କ ମୃତ୍ୟୁ ଘଟିଥିବା ଜଣାପଡିଛି । ତେବେ ପ୍ରେମଜନିତ ସମ୍ପର୍କକୁ ଭିତ୍ତିକରି ତାଙ୍କୁ ହତ୍ୟା କରିବା ପରେ ଅଧା ପୋଡି ପୋତି ଦିଆଯାଇଥିବା ସନ୍ଦେହ କରାଯାଉଛି । ଘଟଣାରେ ପୋଲିସ 7 ଜଣଙ୍କୁ ଅଟକ ରଖି ପୋଲିସ ପଚରାଉଚରା କରୁଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
