ନିଆଳି: ପୁରୀ ଜିଲ୍ଲା ନିମାପଡ଼ାର ଏକ ଟାଇଲ୍ସ ଦୋକାନରେ ପୁରୀ ଏବଂ ଭୁବନେଶ୍ବର ଜିଏସଟି ଇନଫୋର୍ସମେଣ୍ଟ ବିଭାଗ ପକ୍ଷରୁ ଚଢାଉ କରାଯାଇଛି । ବ୍ୟାପକ ଅର୍ଥ ଠକେଇ ଅଭିଯୋଗରେ ଗୋଦାମ ଓ ଦୋକାନ ସିଲ ହୋଇଛି । ଦୋକାନ ମାଲିକ ସଠିକ ହିସାବ ଦେଇପାରି ନଥିବା ଜିଏସଟି ବିଭାଗ ସୂଚନା ଦେଇଛି ।
ଜିଏସଟି ଫାଙ୍କିବା ଅଭିଯୋଗରେ ଟାଇଲ୍ସ ଦୋକାନରେ ଚଢ଼ାଉ
ସୂଚନା ଅନୁସାରେ ନିମାପଡ଼ା ପିପିଲି ରାସ୍ତା ନୂଆ ଷ୍ଟେଟ ବ୍ୟାଙ୍କ ନିକଟରେ ନିତ୍ୟାନନ୍ଦ ସାହୁ ନାମକ ବ୍ୟକ୍ତିଙ୍କ ନିଗମ ଟାଇଲ୍ସ ଦୋକାନ ଏବଂ ନିୟନ୍ତ୍ରଣ ବଜାର କମିଟି ପରିସରରେ ଗୋଦାମ ଗୃହ ରହିଛି । ତେବେ ନିତ୍ୟାନନ୍ଦ ଜିଏସଟି ଫାଙ୍କିବା ଅଭିଯୋଗ ହୋଇଥିଲା । ଏହାପରେ ବାଣିଜ୍ୟ କର ଓ ଦ୍ରବ୍ୟ ସେବା କର ବିଭାଗ ନିର୍ଦ୍ଦେଶାଳୟର ଯୁଗ୍ମ କମିଶନର ଉମେଶ ଚନ୍ଦ୍ର ତ୍ରିପାଠୀଙ୍କ ନିର୍ଦ୍ଦେଶରରେ ପୁରୀ ଡେପୁଟି କମିଶନର ଦାମୋଦର ପାତ୍ରଙ୍କ ନେତୃତ୍ବରେ ନିତ୍ୟାନନ୍ଦଙ୍କ ଦୋକାନ ଓ ଗୋଦାମରେ ଚଢାଉ ହୋଇଥିଲା ।
ଇଟିଭି ଭାରତ, ନିଆଳି
