ପୁରୀ: ସ୍ୟାଣ୍ଡ ଆନିମେସନରେ ଧୋନିଙ୍କୁ ଶୁଭ ବିଦାୟ । ଭାରତୀୟ କ୍ରିକେଟ ଟିମର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନି ଶନିବାର ଅନ୍ତର୍ଜାତୀୟ କ୍ରିକେଟରୁ ଅବସର ନେଇଛନ୍ତି । ଭାରତୀୟ କ୍ରିକେଟ ପ୍ରତି ତାଙ୍କର ଅବଦାନ ଓ ନିଆରା ଖେଳ ଶୈଳୀ ସବୁଦିନ କ୍ରିକେଟ ପ୍ରେମୀଙ୍କ ମଧ୍ୟରେ ସ୍ମୃତି ହୋଇ ରହିବ । ଏହି ଅବସରରେ ପୁରୀରେ ବାଲୁକା ଶିଳ୍ପୀ ମାନସ ସାହୁ ନିଜର ଏକ ସୁନ୍ଦର ସ୍ୟାଣ୍ଡ ଆନିମେସନ ମାଧ୍ୟମରେ କ୍ୟାପଟେନ କୁଲଙ୍କୁ ଶୁଭ ବିଦ୍ୟାୟ ଜଣାଇଛନ୍ତି ।
ବିଶ୍ବକପ ବିଜୟ ଠାରୁ ବିଦାୟ ନେବା ଯାଏଁ ଧୋନିଙ୍କ କ୍ରିକେଟ କ୍ୟାରିୟରକୁ ସେ ନିଜର ସ୍ୟାଣ୍ଡ ଆଣିମେସନ ମାଧ୍ୟମରେ ଅତି ସୁନ୍ଦର ଭାବେରେ ସ୍ଥାନିତ କରିଛନ୍ତି । ଧୋନିଙ୍କ କ୍ରୀଡା କୌଶଳ ସବୁଦିନ କ୍ରିକେଟ ପ୍ରେମୀମନେ ରଖିବେ ବୋଲି ମାନସ ନିଜ ସ୍ୟାଣ୍ଡ ଆନିମେସନରେ ଦର୍ଶାଇଛନ୍ତି ।
ତେବେ ଶନିବାର ମହେନ୍ଦ୍ର ସିଂ ଧୋନି ଅନ୍ତର୍ଜାତୀୟ କ୍ରିକେଟରୁ ଅବସର ନେବାର ଖବର ପ୍ରସାର ହେବା ପରେ ତାଙ୍କର ଶୁଭେଚ୍ଛୁମାନେ ତାଙ୍କ ଆଗାମୀ ଭବିଷ୍ୟତର ଚଲାପଥ କ୍ରିକେଟ କ୍ୟାରିୟର ଭଳି ସଫଳ ହେଉ ବୋଲି କାମନା କରିଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
