ପୁରୀ: ସାର୍ଵଜନୀନ ଗଣେଶ ପୂଜା ଉପରେ କଟକଣା । କୋଭିଡ ପରିସ୍ଥିତିକୁ ଦୃଷ୍ଟିରେ ରଖି ପୁରୀ ଜିଲ୍ଲାରେ ପ୍ରଶାସନ ପକ୍ଷରୁ ସାର୍ଵଜନିକ ସ୍ଥାନରେ କୌଣସି ଯୁବକ ସଂଘ, ଅନୁଷ୍ଠାନ, କ୍ଲବ କିମ୍ବା ବ୍ୟକ୍ତି ବିଶେଷ ଦ୍ବାରା ଗଣେଶ ପୂଜା ଉତ୍ସବ ପାଳନ ଉପରେ ବାରଣ କରାଯାଇଛି ।
ଏହି କଟକଣା ଉଭୟ ସହରାଞ୍ଚଳ ଏବଂ ଗ୍ରାମାଞ୍ଚଳରେ ଲାଗୁ ହେବ ବୋଲି ଜିଲା ପ୍ରଶାସନ ପକ୍ଷରୁ ନିର୍ଦ୍ଦେଶ ଦିଆଯାଇଛି । ଏହାର ଉଲ୍ଲଂଘନ କଲେ ସମ୍ପୃକ୍ତ ଅନୁଷ୍ଠାନ / କ୍ଲବ ଆଦି ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କୁହାଯାଇଛି ।
ସାର୍ଵଜନିକ ଗଣେଶ ପୂଜା ଉପରେ କଟକଣା
ଏହି ଆଦେଶ କେବଳ ସର୍ବସାଧାରଣ ସ୍ଥାନ ପାଇଁ ଉଦ୍ଧିଷ୍ଟ । ତେବେ ନିଜ ଘରେ ଗଣେଶ ପୂଜା ଉତ୍ସବ ପାଳନ କରାଯିବା ଉପରେ କୌଣସି କଟକଣା ନାହିଁ ବୋଲି ପୁରୀ ଉପ ଜିଲ୍ଲାପାଳ ଭଵ ତରଣ ସାହୁ ସୂଚନା ଦେଇଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
