ପୁରୀ: କୋରୋନା ସଂକ୍ରମଣକୁ ଦେଖି ସ୍ଵର୍ଗଦ୍ବାରରେ ଅନ୍ତିମ ସଂସ୍କାର କଟକଣା ଅବଧିକୁ ଜିଲ୍ଲା ବାହାର ଲୋକଙ୍କ ପାଇଁ ଆଉ ମାସେ ବୃଦ୍ଧି କରାଯାଇଛି । କୋଭିଡ ମହାମାରୀ ସଂକ୍ରମଣ ଆଶଙ୍କାକୁ ନେଇ ଏହି କଟକଣା ଜିଲ୍ଲା ପ୍ରଶାସନ ପକ୍ଷରୁ ଜାରି ହୋଇଛି। ତେବେ ଏହି କଟକଣାକୁ ଆସନ୍ତା 30 ସେପ୍ଟେମ୍ବର ପର୍ଯ୍ୟନ୍ତ ବଢ଼ାଇ ଦିଆଯାଇଛି ।
ପୁରୀ ସ୍ଵର୍ଗଦ୍ବାରରେ ପୁରୀ ଜିଲ୍ଲା ବ୍ୟତୀତ ବାହାର ଲୋକଙ୍କ ଶେଷ କୃତ୍ୟ ସମ୍ପନ୍ନ ନେଇ କଟକଣା ରହିଛି । ଏନେଇ ପୁରୀ ଜିଲ୍ଲାପାଳ ବଲବନ୍ତ ସିଂ ଏକ ନିର୍ଦ୍ଦେଶନାମା ଜାରି କରିଛନ୍ତି ।
ତେବେ ପୁରୀ ଜିଲ୍ଲାବାସୀ କିନ୍ତୁ ସ୍ବର୍ଗଦ୍ବାରରେ ନିଜ ଲୋକଙ୍କ ଶେଷ କୃତ୍ୟ ସମ୍ପନ୍ନ କରିପାରିବାର ଅନୁମତି ରହିଛି । ତେବେ କୋଭିଡ ଗାଇଡ଼ଲାଇନ ଅନୁଯାୟୀ ଏହିସବୁ ନୀତି ପାଳନ ନେଇ ନିର୍ଦ୍ଦେଶ ରହିଛି।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
