ପୁରୀ: ଆସନ୍ତାକାଲି ଶ୍ରୀମନ୍ଦିରରେ ଶ୍ରୀକୃଷ୍ଣ ଜନ୍ମୋତ୍ସବ ନୀତି । ସମ୍ପନ୍ନ ହେବ ମହାପ୍ରଭୁଙ୍କ ବାଲ୍ୟ ଲୀଳା । ତେବେ ଜନ୍ମାଷ୍ଟମୀ ପାଇଁ ସ୍ବତନ୍ତ୍ର ନୀତିକାନ୍ତି ହେତୁ ମହାପ୍ରଭୁଙ୍କ ଦର୍ଶନ 5 ଘଣ୍ଟା ପାଇଁ ବନ୍ଦ ରହିବ । ଶ୍ରୀମନ୍ଦିର କାର୍ଯ୍ୟାଳୟ ପକ୍ଷରୁ ଏନେଇ ସୂଚନା ରହିଛି ।
ଫାଇଲ ଭିଡିଓ
ସନ୍ଧ୍ୟା ଧୂପ ନୀତି ପରେ ଠାକୁରଙ୍କ ଜନ୍ମାଷ୍ଟମୀ ବିଧି ଅନୁଷ୍ଠିତ ହେବ । ସେହି ସମୟରେ ଭକ୍ତମାନେ ଠାକୁରଙ୍କ ଦର୍ଶନ ପାଇପାରିବେ ନାହିଁ । ଶୁକ୍ରବାର ସନ୍ଧ୍ୟା 6 ଟା ରୁ ରାତି 11 ଟା ଯାଏଁ ଠାକୁରଙ୍କ ଏହି ନୀତି ଅନୁଷ୍ଠିତ ହେବ । ତେବେ ଏହି ସମୟରେ ଦର୍ଶନ ବନ୍ଦ ରହିବ ।
ପୁରୀ ରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
