ନିଆଳି: ବାଲିପାଟଣା ନିକଟରେ ବେଆଇନ ଭାବେ ଚାଲିଥିବା ଏକ ବେଆଇନ କରତକଳ ଉପରେ ଭିଜିଲାନ୍ସ ଓ ବନବିଭାଗର ମିଳିତ ଚଢ଼ାଉ । ଏହି ଚଢାଉରେ ବ୍ୟବହୃତ ଯନ୍ତ୍ରପାତି ସହ ଚିରାକଠ ଜବତ କରିଛି ଭିଜିଲାନ୍ସ ବିଭାଗ । ସୂଚନା ଅନୁସାରେ, ବାଲିପାଟଣା ଓ ବାଲିଅନ୍ତା ବ୍ଲକ ଅଞ୍ଚଳରେ ଦୀର୍ଘ ବର୍ଷ ଧରି ୧୦ରୁ ଉର୍ଦ୍ଧ୍ବ କରତ କଳ ବେଆଇନ ଭାବେ ଚାଲୁଥିବା ନେଇ ଭିଜିଲାନ୍ସ ବିଭାଗ ଖବର ପାଇଥିଲା ।
ବେଆଇନ କରତ କଳ ଉପରେ ଭିଜିଲାନ୍ସ ଓ ବନବିଭାଗର ମିଳିତ ଚଢାଉ
ଖବରପାଇ ଆଜି(ଗୁରୁବାର) ଭୋର୍ ସମୟରେ ବେଆଇନ କରତ କଳ ଉପରେ ଅର୍ତକିତ ଚଢାଉ କରିଥିଲା ଭିଜିଲାନ୍ସ ବିଭାଗ । ଏହି ଚଢାଉରେ ଲକ୍ଷାଧିକ ମୂଲ୍ୟର ଯନ୍ତ୍ରାଂଶ ଓ କାଠ ଜବତ କରିଛି ଭିଜିଲାନ୍ସ ବିଭାଗ । ଚଢାଉ ସମୟରେ ବାଲିପାଟଣା ପୋଲିସ୍ ଓ ବାଳକାଟି ରେଞ୍ଜର କର୍ମଚାରୀ ଉପସ୍ଥିତ ଥିଲେ । ବାଲିପାଟଣା ଓ ବାଲିଅନ୍ତା ବ୍ଲକର ୧୦ଟି ସ୍ଥାନରେ ଏହି ଭଳି ବେଆଇନ କରତ କଳ ଚାଲୁଥିବା ବହୁ ସମୟରେ ଅଭିଯୋଗ ହୋଇ ଆସୁଥିଲା ।
ଇଟିଭି ଭାରତ, ନିଆଳି
